【禽流感再襲】封園21日雀不聊生 商戶翻牆賣嘢 商會：會勸唔好
雀鳥花園因有雀檔的雀鳥糞便驗出H5禽流感，當局今早大軍壓境，封園進行大清潔及消毒，逾2,800隻雀鳥需銷毀。由於事前未有通知，加上要封園21日，商販的如意算盤被打亂，專程前來為家中雀鳥撲糧的顧客，亦頻頻摸門釘。由於深信當局的補貼金額不足糊口，為了生計及方便顧客，有商戶鋌而走險，一度違法「翻牆」將飼料賣予顧客。有商販代表直言事件矛盾，「會勸佢哋唔好，同埋聽朝拆晒啲廣告紙牌。」
漁護署於上周六(7日)，在雀鳥花園一雀鳥店鋪內，放置海南鷯哥的雀籠，抽取糞便樣本，發現有H5禽流感病毒。直至今晨，才由衞生署及漁護署派出多人，抵達雀鳥花園進行大清潔及消毒，並在門閘貼出告示，指漁護署已宣布該雀鳥花園為疫點。該告示表明，如沒有特別許可證，疫區內人士則不得將任何動物或禽鳥，以及任何屠體、屍體、飼料、墊料、糞便、器具等，移離疫區。
店內雀鳥每日均要食糧
惟當局的舉動，令雀仔街的商販措手不及，亦令專程到來買雀糧的顧客食閉門羹。因雀鳥花園需封閉21日，店內的雀鳥會一日一日地大，每日均要食糧，亦要支付人工及租金開支，加上估計復業後，仍需待一段時間才能回復生機。
根據以往的經驗，當局每回只會補貼約1.2萬元及一個月租金，有商販為了生計及方便顧客，在雀仔街的外牆張貼廣告紙牌，指顧客如需撲糧，可致電他們。於今日下午，見有商戶隔着圍牆，將一大袋蚱蜢交予顧客。
對有商戶涉違法售賣雀糧，港九雀鳥同業商會主席黃超倫認為，「其實都好矛盾，佢哋都係為咗生計先咁，但我會勸籲佢哋唔好咁做，明天會叫佢哋將啲牌拆晒佢。」他指出，希望當局能體諒他們，考慮到物價高漲，可以將提高補貼金額，「啲雀鳥牌同商業登記費都要幾千元，做唔到生意唔係呢21日，可能半年都靜，商販又唔可以轉賣其他物品。」黃超倫亦擔心政府遲早會取締雀仔街，「 你唔可以一刀切，呢度係自由社會，仲有好多愛雀人士。」
今次被發現糞便有禽流感的是雀鳥海南鷯哥，屬《保護瀕危動植物物種條例》受管制的品種。牠是一種體形較大的鳥類，一般都有十年以上壽命。牠的羽毛大致為黑色兼紫藍色，頭側有黃色肉垂，叫聲較響亮及清晰，能模仿和發出多種有旋律的音調，經過訓練可以模仿人類說話及唱歌。