【釋囚重生】曾為生活犯法 三個慣匪的覺悟：一日唔死，一日未輸
根據懲教署2015年的統計，更生人士再犯率為27.1%，即4個更生人士中便有一人再犯。為何離開鐵欄生活仍冒著風險犯法呢？47歲的更生人士阿明自言，人生四分一時間在監獄度過，他有50多次案底，曾以「犯法為生活」，每次出獄後孤立無援、身無分文，面對生活壓迫，難找工作、溫飽成疑、居無定所令他看不清將來，逼於無奈再走上犯法之路。阿明曾失望到認為獄中生活更好過，「喺出邊我要愁，喺入邊我唔使愁」。惟近兩年來，阿明不再犯事，積極更生，尋找工作，望社會接納自己，尋找人生的希望。
阿明 坐監四分一人生後的覺悟
如果冇人幫到我解決生活所需，我逼於無奈，我冇得選擇，趁後生去犯法，喺出邊我要愁，喺入邊我唔使愁。
「有時犯事係一剎那」
「我人生四分之一時間都坐監」、「我犯法為生活」，阿明到底為何會說出這些話？阿明47歲、有50多個案底， 18歲第一次進監獄後，往後的30多年，多次因爆竊、打劫等入獄，最長的一次在獄中待了5年半。最後一次入獄是2013年，至2016年1月始出獄，出獄至今兩年多，阿明不再以「犯法為生活」，因他覺悟自己的年紀大了，「有時犯事係一剎那，即係我決定要去犯事，有時係嗰刻，我唔係特登，係生活所需，冇人支援到自己。」
阿明2016年出獄時，當時身上只有700多元，「我食個飯、買咗套衫褲、同一對鞋，未等太陽落山，就冇晒啲錢。」身無分文的他曾找不同社福機構求助，礙於種種原因空手而回，於是他設法揾工，然而和很多更生人士面對的困境一樣，案底纍纍的阿明難以在社會找到工作，出獄後要面對衣食住行，處處要花錢，日子怎麼過呢？
努力揾工被解僱
作為更生人士，想改過自新、自食其力是否易事？阿明指，現時社會的各個工種都會首先了解僱員有沒有案底，「我想做看更，佢地依家包裝到做保安，你有犯事紀錄你唔可以做。」他亦試過做侍應，惟因落單慢而被解僱。
我食個飯、買咗套衫褲、同一對鞋，未等太陽落山，就冇晒啲錢
「係出邊我要愁，係入邊我唔使愁」
問阿明以前有否想過改過自新，他說「我犯法為生活」，因「要食飯、要交租，每日一瞓醒就要使錢」。那為何不找份工作？他何嘗沒試找工作呢，只是背著更生人士的身份，找工作往往換來「等消息」三個字，但日子還是要過，「我唔食，我都要交租交電費」，阿明說「呢樣又做唔到、嗰樣又做唔到，咁梗係趁後生犯法」，或許阿明的經歷解釋了為何有人不斷進進出出監獄，「如果冇人幫到我解決生活所需，我逼於無奈，我冇得選擇。」阿明直指，「係出邊我要愁，係入邊我唔使愁」，面對生活的壓迫，導致阿明多次犯法，30多年來進進出出監獄。
年紀大 終不再以犯法為生活
2016年出獄至今兩年多，阿明自言年紀大了，不再以「犯法為生活」，他積極尋找工作，試圖讓社會接受他，現在他找到一份雜工，日薪400元。阿明指，現在找工作不會公開更生人士身份，「點解要報呢？我去搵份工，係想佢請我先去報，我想做嗰份工，梗係唔會話我係更生人士，我冇理由去試圖搏下佢有冇愛心、有冇同情心」，他希望自己的工作能力得以認同。
我人生四分之一時間都坐監，我今年47歲，我犯法為生活
「某程度坐監會舒服過係出邊」
記者問阿明住「籠屋床位」辛苦還是坐監辛苦？他說「兩樣嘢嚟，某程度坐監會舒服過係出邊，係某一個時刻，當我冇錢，山窮水盡，咁當然坐監舒服，坐監唔會冇飯食，衣食有人照顧」，就像他2016年出獄後，首要面對的便是住屋問題，無家可歸的他在公園露宿了兩晚，現在他在社協的幫助下，租住一個「籠屋床位」。面對未來的徬徨和無知，阿明最希望政府能幫助他解決住屋問題，「你唔食唔使唔用，你都要交到（房租）啲錢」，那對未來有希望嗎？「冇㗎，搵緊依家」。尋找希望之路充滿荊蕀坎坷，惟阿明勉勵自己「一日唔死，一日仲有啖氣、一日都未輸。」
吸毒切除膀胱仍執迷，直至⋯⋯
啲人聽到更生人士嘅故事，嗰一刻可能有啟發，但唔代表佢之後會感動，然後好用心咁去了解更生人士嘅苦衷同無助。
33歲的貫中，於17歲至27歲那10年間，坐過8次監，「每日瞓醒就係諗點犯法、搵錢，以滿足對毒品嘅慾望。」貫中曾認為毒品是惟一可信的朋友，而這惟一的「朋友」令他險失去家人、賭上身體的健康。
吸毒後遺要切除膀胱
3年前，他發現自己膀胱因吸毒而要切除，做了一個手術將自己大腸的一部分切除做一個人造的膀胱。然而，他仍沒有戒毒的決心，直至有一日，貫中在屋邨「攞毒品」時，見到一位認識多年、但很久沒見的女性朋友，她當時拋下一句「阿中，點解你依家咁樣衰？」一向認為自己靚仔的他當場晴天霹靂，心情大受影響。回家照鏡後，看到自己被毒品侵害的樣子，心中湧現了戒毒的衝動。
參加無家者世界盃
貫中尋找社工的求助，從而接觸了足球，兒時最有信心的足球堅定了貫中戒毒的心，入住戒毒院舍完全擺脫了毒癮。其後，貫中加入了「無家者世界盃」足球隊，去年代表香港到挪威參加足球比賽。除了重拾踢足球的信心，他自去年尾更出任日出山莊舍監，以過來人的身份影響正在戒毒的朋友，「希望畀佢地睇到希望。」他又與其他7位過來人，組織了樂隊，創作歌曲鼓勵戒毒人士。
港人沒寬容的心接受犯人
問及社會是否接受更生人士時，貫中認為很難改變社會固有印象，「試過返工，公司啲貨唔見咗，第一個被問嘅就係自己，老闆覺得我地古古惑惑。」他認為，更生人士重投社會很難，因社會人士聽到更生人士的故事後，在當刻或有所啟發，但不代表會被感動、用心去感受更生人士的苦衷與無助。
貫中指，社會上的人對更生人士有太多的誤解，「一個人你坐得監就唔係一個好人」，貫中認為這些標籤根深柢固地刻在港人腦中，認為港人不會有足夠的寬容心去接受一個沒有血緣關係的人犯錯，「憑良心大家都係人，人當然會犯錯，只不過行差踏錯嗰一步大啲、或者選擇錯咗，但唔代表佢冇一個善良嘅心。唔可以因為佢犯過錯就唔畀佢機會改過。」
戒毒米奇 踏實做人
一定要腳踏實地，活生生嘅人先可以腳踏實地
即便面對著社會的有色眼鏡，更生人士樂意將歧視拋在腦海，用心回饋社會。68歲的米奇過去露宿街頭，因吸毒及傷人等罪行多次進出監獄，數年前戒毒成功，米奇於過去兩年，每月為社會組織協會的露宿者活動「石頭湯」做義工，煲湯給露宿者享用，更因應不同季節煲不同的湯。問及為何會堅持，他稱是基於承諾，「冇滿足唔滿足，我應承咗佢我咪煲。」米奇指，凡是他決定要做的事，會付出百分之百的心機。數年前，有50多年毒癮的米奇突然得到啟發，認為做人要「對得住自己」、「一定要腳踏實地，活生生嘅人先可以腳踏實地」，於是下定決心戒毒，米奇指戒毒容易，要約束自己不再吸毒始是最難。
香港社區組織協會將於4月6日至4月12日於尖沙咀文化中心地下舉行「囚。更生人士圖文展」，展出更生人士的故事，讓公眾能從人性的角度去看待在囚和更生人士，屆時展出由攝影師林振東為更生人士所拍攝的照片，市民亦可於網站：http://www.soco.org.hk/prisoner/index.htm了解更多活動詳情。