【大埔公路翻九巴】睹車禍前後一刻難釋懷 拍攝者：完全想像唔到
大埔公路九巴翻車意外，撞散了19個家庭，亦令多名傷者在新年佳節，仍需留在醫院裡度過。事件撼動了市民的心，當天目睹車長出車載客的巴士迷，目擊車禍恐怖一幕的大埔居民，至今仍未能忘卻事件，無法想像乘客搭上的竟是亡命之旅。死者已矣，他們均希望死傷者的家人能走出傷景，但願新的一年少些天災人禍。
【大埔公路翻巴士】採訪手記：看到消防從巴士抬出屍體，然後……
「每個禮拜，馬場的特別線，會有好多靚車，係全車身廣告，啲廣告幾個月就會落架。」因居於港島南區，以往出入時一定要搭乘巴士的中二生Johnny，4年前已開始與巴士結緣，並與其他志同道合的巴士迷，一起追攝心儀的巴士。「有時睇番，影到啲特別車、退役咗的車、落咗全車身廣告的車，都會覺得自己都幾勁。」
馬場特別線多吸睛靚車 巴士迷追攝儲閃卡
每逢賽馬日，在場外的巴士站，多款觸目的巴士車款，均是巴士迷追捕的對象，亦吸引Johnny到來儲「閃卡」。於事發當日下午5時半，他與友人準時抵達，站在巴士站對上的行人天橋有利位置，手指狂按動照相機的快門，拍攝著一架架徐徐駛至的巴士。
「去過個度十幾次啦，每架車隔一陣就進場，入坑前會扭比我哋影。」但萬沒想到，Johnny「順便影埋」的872號線九巴，轉個頭車身會被撞得慘不忍睹。時針搭正6時正，等候多時的巴士分批往接載散場的馬迷，滿客即走。約20分鐘後，「滿載而歸」的Johnny亦往搭乘88K「回航」。
你普普通通影一架車，你都估唔到佢，過咗一陣間，竟然翻車死咗咁多人！
拍得九巴出車一刻 巴士迷感驚訝
「當我喺巴士上坐低，睇番手機，有人WhatsApp相畀我，話有部872翻車，睇番車牌LX9991，然後我望相機張相，嘩！ 係同一架車嚟喎。」驚悉剛才拍得的九巴竟出事，Johnny像中彈般木然呆坐，亦被這突如其來的恐懼緊緊掐住了呼吸。「覺得好驚訝！完全想像唔到」、「你普普通通影一架車，你都估唔到佢，過咗一陣間，竟然翻車死咗咁多人！」
對於拍得九巴出事前一刻，亦是全港只得一兩位巴士迷拍得，Johnny只是感到驚訝。他亦頓覺搭乘巴士「有啲危險，因為我坐巴士都鐘意坐喺上層前頭位，好似今次咁，車尾車頭都變晒形，覺得好恐怖。」
目睹車禍恐怖一幕 大埔居民為之動容
不單止Johnny，第一時間將意外相上載facebook大埔群組的Philip亦為之動容。Philip是大埔居民，事發時剛巧搭乘巴士經過車禍現場，其相片亦被傳媒爭相轉載。「初初心想只係第一時間通知番大埔谷友，車禍會塞車阻礙大家時間，但之後見到傷亡數字倍增，全港市民包括我在內，都感到憂愁。」Philip指出，約3、4分鐘過後，已聽到大量警車、消防車及救護車，迅速趕抵現場。
由於上址是他返工的必經之路，每次由車窗望向出事的彎位及巴士站，侊如依稀看見車禍那恐怖的一幕，揮之不去，呼吸亦沉重了，只希望死者的家人能盡快步出陰霾。「我的新年願望就係，少啲天災人禍。」