【2017回顧】泰獄中專訪捲毒案港青：點解我傷得最深嘅人最幫我？

今年6月，三名香港青年於泰國曼谷捲入一宗跨國衝關運毒案件，七日內經過迂迴路線橫跨五地，終於曼谷機場入境時被關員搜出其行李藏有價值千萬港元的可卡因，隨即被還押當地，面臨最高50年監禁。其中兩女早前認罪被判囚25年，餘下24歲男被告邱傑朗堅拒認罪。
被囚半年，邱傑朗慢慢適應獄中生活，更反思自己過去曾經反叛犯錯，對出事後家人仍不離不棄感到愧疚，「我覺得自己無資格要佢哋幫，點解我傷害得最深嘅人，係𠵱家最幫我嘅人？」，他希望事件會真相大白，亦呼籲其他香港人要小心陷阱。

70人擠400呎監房　患上皮膚病

出事至今，邱傑朗一直被囚於曼谷監獄Klong Prem Central Prison，邱指監獄內環境十分惡劣及擠迫，一間400呎的監房擠滿近70人，而且連床都沒有，他們每晚鋪床單席地而睡，每個月均要付近5,000匹泰銖作飲食及生活費。

除了定時上宗教課外，囚犯於監獄內亦要服務，包括清潔、洗廁所等，邱指半年來因獄內衛生惡劣而患上皮膚病。被囚初期，邱稱因言語不通感十分害怕，但幸好不少同房有不少馬來西亞籍囚犯，因而經他們教導下慢慢學懂簡單的泰語及英語。另外由於獄內不准打電話，他每星期只有兩日可以寫信與家人聯絡。

曾經犯錯　家人一度懷疑清白

邱傑朗被囚至今半年，由最初驚慌至今慢慢適應監獄生活，亦因家人於出事後一直於兩地奔波協助而感內疚。邱反思出事前的自己，與家人關係惡劣。他從小生於單親家庭，由祖父祖母照顧成長，邱自言從前生性反叛，加入過黑社會亦曾坐過牢幾個月，留有案底，「我唔係好，我都有學壞、放任，係自己嘅問題」。

他憶述，出事最初家人到訪，亦曾經懷疑他是否清白，「屋企人有矛盾究竟幫我啱唔啱？我記得爸爸嚟探我，佢唔肯拎起個聽筒同我講嘢。嫲嫲嚟陪我出庭，佢都問我係咪真係有做過」，最終令家人相信清白，是靠另一女被告方的協助，「出庭時我同佢講，你幫我同我家人講啦，我係唔知情嘅，家人先信我真係無辜」。

出庭時我同佢講，你幫我同我家人講啦，我係唔知情嘅，家人先信我真係無辜

點解我傷害得最深嘅人，係𠵱家最幫我嘅人？

被囚外地感無助　籲港人小心陷阱

結果邱家人一直不離不棄，令邱對自己過去感到愧疚，最初家人越洋探望時更令他泣不成聲，其中邱指與姐姐以前關係惡劣，但現在她卻最幫助自己，「我覺得自己無資格要佢哋幫，點解我傷害得最深嘅人，係𠵱家最幫我嘅人？」案件即將開審，兩女相繼認罪，堅拒認罪的邱直言知道「呢場仗好難打」，認為港人於外地被囚十分無助，但希望事件終會真相大白。邱又指經過自己的案件後，希望其他香港人要小心陷阱。