【山景雙屍案】子疑伴母屍一周　父難信兩人餓死﹕佢有鑰匙識開門

山景邨母子雙屍案，兩人死因至今不明，消息指驗屍初步顯示母親逝世一周後，15歲兒子才相繼離世。死者前夫、任職跟車工人的梁先生接受記者電話訪問稱，難以相信兒子會餓死，認為他的自理能力正常，「屋企麵又冇，米又冇，冇理由餓死個大先。個仔有鑰匙，我絕唔相信佢唔識開門求救，除非搵唔到鑰匙。」他續稱，母子二人曾申領綜援，他曾勸前妻出外工作擴闊生活圈子，近年他每月支付贍養費，三個月前曾探望母子。對於兩人離世，他傷心稱心情難平復，「呢個係家庭慘劇，每個人都唔想，10個有12個都會唔開心。」

據梁透露，他間中會登門探望母子二人，最近一次見面為三個月前。母子早年曾申領綜援，妻子向來會落樓買餸，近年購入電腦後，會在家中玩電腦。而15歲的幼子，於小學便輟學，之後無學校社工跟進。資料顯示，政府為6至15歲兒童提供九年免費教育。《教育條例》 ( 第 279 章 ) 第74及78條規定 ，家長有法律責任確保介乎6至15歲的子女定時上學。換言之，男死者若自小學後已輟學，或與教育條例有抵觸。

梁續指，曾勸前妻外出工作無果，「有啲嘢可以寄托下時間，識多啲人，生活圈子擴大啲。」離婚後，梁有負責母子二人的生活費，每月約有5000元，「我自己唔食都畀佢哋食。」

他指，從法醫管得到的訊息指，前妻逝世一周後，兒子才相繼離世。梁直言﹕「我絕唔相信，屋企麵又無米又無，無理由會餓死個大嘅先。佢有鎖匙識開門，唔會餓死係屋企。」他指幼子有自理能力，即使妻子猝逝，相信他懂得向他人求助，「個仔以前IQ已高過我，有嘢食佢就會食，我絕唔相信佢唔識開門求救。」

兩人驟然離世，梁難言心中難受，僅稱這是一宗家庭悲劇，「每個人都唔想」。至今他心情仍未平復，仍感不開心，「10個有12個都係唔開心啦。」