車CAM︱無裝備單車男半山落斜越線扒頭自炒　車輛及時停低免傷亡

今日（4日）網上流傳一條車CAM影片，片主駕車沿半山馬己仙峽道落斜期間，忽然有一名單車男越過雙白線試圖扒頭，掟彎時卻疑失平衡，不慎從單車跌下，四肢攤開趴在地上，幸能自行站起。片主亦及時停車，未有撞到墮地男子，此時另一架單車亦從後飛馳而過。墮地男子之後拾起單車，助跑幾步上車揚長而去。

根據運輸署資料，如在夜間或能見度低時騎單車，必須亮起車頭白燈和車尾紅燈。惟片中男子夜間踩單車時，並沒有佩戴頭盔與安裝車燈。

有網民看過片段後指，單車男「轉個彎已經唔見咗，佢都走得幾快」，斥他「直路狂，灣（彎）路亡」；亦有網民指單車男「有運，咁都無車到」。事件幸未釀傷亡，有網民便表示：「人無事可以做世界冠軍」。事發影片中亦見到，片主前方幾個車位有另外數人騎單車行駛，後車需以較低車速跟隨，有網民關注「真心問，如果片主唔係咁慢，架車快多小小，車死左（咗）個男仔，咁片主有無事？」