將軍澳縱火｜愛車燒毀 車主無奈：成個調景嶺得呢度劃位泊電單車
將軍澳彩明苑電單車停泊處今日（12日）凌晨發生火警，共35部電單車遭殃，警方列縱火案調查。有車主今早到來取車時發現愛車焚毀，指調景嶺區只此處有「骨位」泊電單車，感到既驚愕又無奈。現場消息指，損毀的電單車中，約一半是用作送外賣，車主因此無法開工，雙重損失。
凌晨4時許，景嶺路彩明苑彩貴閣對開的露天電單車停泊處突然起火，40部電單車中，有35部焚毀或被波及。事件中幸無人受傷，惟消防調查發現最少有兩處火頭，認為起因有可疑，交由將軍澳警區刑事調查隊第四隊跟進調查。
早上8時半左右，火警現場尚未解封，警員和政府化驗所人員分別到場，拍照存檔及搜證。其間陸續有車主到來取車，部分人發現愛車焚毀一臉愕然。其中余先生的電單車泊在近末端位置，損毀不算最嚴重。他無奈說：「唔清楚咩事，今朝返到嚟攞車返工，就係咁喇！」
他表示調景嶺區電單車位難求，只有此處「骨位」泊電單車。他曾經申請屋苑停車場，但一直沒有消息。雖然他不知道歹徒動機，但估計不會因為車位緊張所致：「 相信唔會做啲咁嘅嘢，因為咁小嘅嘢而縱火囉！」然而，車輛露天停泊，他也不敢選購貴價車，以減低遇事時的損失；日後亦會繼續停泊此處：「無辦法啦！依家都無位，成個調景嶺得一個劃位泊電單車。」
不過另一名車主指，海傍及善明邨也有小量電單車位，只是數量不多，位置亦遠離住所。
另一位南亞裔車主阿傑，是外賣員，他的YAMAHA R3是二手購入，使用約8個月，火警中慘告焚毀「無咗、救唔返」。他指車位難求，曾經被人移動泊好的電單車：「有時有啲人同你玩，堆走你嘅車，擺自己架車入去，見你擺太耐啲位。」
他指五六年前同一位置也曾發生火警「好大火，嗰時都捉唔到，應該裝CCTV啦！以前有火都唔裝。」他表示租停車場車位要排隊，等候約兩三年；日後再買車，不敢再泊這裡：「租地鐵站前面爛地，下次有車泊嗰邊，安全少少。」