老婦步出斑馬線準備過路　Tesla照衝險撞人　的士司機爆粗狠批

車輛經過斑馬線，記得要讓途人先行。網上流傳一條「車cam」影片，長約18秒，顯示昨日（16日）早上8時許，一名行動不便黃衣老婦推住類似超市手推車，已步出斑馬線準備前往對面行人路，此時卻有一輛Tesla私家車衝前駛出，老婦見狀停步，Telsa沒有減慢車速絕塵而去。

相反鄰線綠色的士立即停下，讓老婦過路，「車cam」拍到驚險過程，的士司機怒呠Tesla司機，繼而爆粗斥責對方，「痴X線，X你老X」，老婦一邊過路，一邊舉手示意和多謝司機讓路，的士司機一邊叮囑老婦「小心呀」，一邊開車，片段便結束。

許多網民留言討論，部份人認得出是屯門蝴蝶邨，「呢單嘢就撐的士哥哥」、「阿婆已經企喺斑馬線，危駕」、「真心唔可以放過」、「一定要拉，老人家都唔讓」。