有片｜野豬闖屋苑停車場　片主憂被人道毀滅：快啲出去唔好畀人捉

今日（17日）上午10時許，黃色暴雨期間，一隻小野豬走入香港仔海傍道3號逸港居地下的停車場內。其間野豬四圍跑，更曾追咬在場人士，職員於是報警。不過亦有熱心人擔心野豬被捉走後會被人道毀滅，好言相勸：「呀豬豬，去海皮，快啲出去海皮，乖啦，唔好畀人捉。」

現場是香港仔海傍道3號逸港居地下的停車場，小野豬約1米長，身形略為瘦弱。消息稱，野豬曾追咬停車場內3名職員，幸沒有咬到。

惟有熱心人擔心野豬安危：「叫佢（野豬）出去海皮吖，陰功！畀差人捉呢，就乜嘢喇，（人道）毀滅呀！」另一名女士立即對野豬說：「呀豬豬，去海皮，快啲出去海皮，出去海皮，乖啦！出去海皮，唔好畀人捉。」語重深長。野豬當然沒有聽懂，只是在場遊走，其間更在場便溺。

警方接報到場，手持長盾戒備，又用大型垃圾桶將野豬圍住。至中午12時許，漁護署人員到場，先拉開圍網以防野豬逃脫，再設法將牠捉住。至1點半左右，成功將牠制服抬走。