有片|東廊電單車撞前車摔倒鄰線 後車扭軚閃避 網民:險過剃頭
撰文:陳傲淇
出版:更新:
網上流傳一段車Cam片段,記錄今日(1日)早上東區走廊發生的驚險交通意外。片段中,一輛電單車沿東廊快線往西行,前方Tesla私家車懷疑因交通擠塞停下,電單車懷疑「跟車太貼」,收掣不及從後撞上Tesla,鐵騎士連人帶車向左邊行車線傾側並摔倒地上,幸好鄰線行駛的私家車及時急煞,扭軚向左閃避,成功避免撞上鐵騎士。
其後鐵騎士立即爬起,但電單車零件𣊬間散落一地。上載影片的片主形容意外「險過剃頭」,場面驚險萬分。不少網民感嘆「兩個轆(電單車)真係要拜神」,若非尾隨的私家車及時「收得切」,後果不堪設想,「如果你一分神佢已經拜拜咗」。
▼車Cam記錄驚險一刻▼
+1
警方表示,今早(1日)8時半,一名52歲姓李男子駕駛一輛私家車,沿東區走廊右線往西行,一名28歲姓馬男子駕駛電單車隨後,兩車駛至北角渡輪碼頭對開,前車私家車因交通擠塞而停下,後車電單車懷疑收掣不及從後撞上。鐵騎士手腳擦傷,惟拒絕送院。私家車車尾以及電單車均有損毀,警方將案件列作「交通意外有人受傷」 。