車cam直擊︱將軍澳道的士「跌咗嘢」　貨車收掣不及輾爆尼龍袋

將軍澳道發生驚險行車意外。網上瘋傳一段車cam影片，可見今（14日）午約4時，一輛的士沿將軍澳道駛往將軍澳方向，途至近藍田興田邨對開時，車尾突然跌出一個大紅白藍尼龍袋，惟的士繼續揚長而去；尾隨一輛密斗貨車雖立即收慢，但左邊兩個車輪仍先後將其輾過，尼龍袋登時爆開，內裡物品飛出。

Cam車目睹的士「跌嘢」一刻，嚇至驚呼「哎喲！」並連忙響號提醒。片段引起網民熱議，有人戲謔指的士「棄屍」，亦有人笑稱「你（的士）跌左嘢呀！」、「堆填呀？」