車cam直擊｜P牌鐵騎士直撼私家車尾　人車分離原地打斛斗倒樹蔥

網上瘋傳一段交通意外的車cam片段，可見一輛掛有「P」牌的電單車，於馬鞍山西沙路直撞一輛私家車車尾，鐵騎士登時人車分離，原地打半個斛斗後、倒樹蔥式落地，期間頭部曾硬撼私家車車尾定風翼，幸得頭盔保護，未有大礙。

片中可見，身穿T恤短褲的鐵騎士，墮地後便極速爬起，彎身查看自己情況，並整理隨身的斜孭袋，惟斜孭袋的肩帶懷疑斷裂，場面狼狽。片中顯示，事發地點為馬鞍山西沙路近頌安（萬有）街市對開，但未有交代事發日期。

片段引起網民熱議，有人慶幸P牌鐵騎士「執返身彩」、「頭盔救返佢條命」；有人則批評他「唔知自己做緊乜？」、「咁都睇唔到？」促請駕駛人士必須加倍留神。