中環午飯時間捉亂過馬路　網民：目測多名白領一族中招

亂過馬路隨時罰2,000元！網上今日（13日）流傳數張相片，可見多名警員及交通督導員於中環滙豐總行、皇后像廣場對開燈位把守，疑檢控亂過馬路市民。據悉，時值午飯時間，上載相片的網民指「目測多名白領一族中招」；亦有人表示同一時間，灣仔菲林明道一帶亦有人員駐守，「都好多人中招」。

事件引起網民熱議，有人回應「我都中咗‥‥‥」亦有人稱不少外籍人士被捉，「咁多人企係度都唔敢過啦，係都等勇士先試」、「係都要挑戰預咗畀2000 啦，同捉快相一樣」、「你唔過咪冇事、快嗰幾十秒比人罰2000、何苦？」、「違法就係違法，要守法。」有人則戲謔，「經濟差，個個爭分奪秒呀！」