荔枝角可疑車｜警前後包抄擎槍遇反抗　目擊者：大隻差佬撳停悍匪

警方今午（18日）接報，深水埗欽州街一輛私家車懷疑套上假車牌，經追查後在荔枝角長荔街近長義街，擎槍截停一輛可疑私家車，制服並拘捕車上5名男子。有目擊者向《香港01》記者表示，當時氣氛緊張，最少3名警員舉槍包圍涉事私家車，喝令車上男子下車，「好驚呀！好大聲！」，其間疑犯曾經有輕微反抗，但一名身材健碩的警員制服，「有個好大隻嘅差佬撳停咗其中一個悍匪」。

附近店舖職員溫先生目擊警方制服疑犯的過程，他憶述當時一輛警車已停在長荔街，當私家車沿長義街右轉進入時，尾隨有另一警車追截，最終私家車在長荔街被前後包抄，「有警車頂住，頂實咗，（可疑私家車）走都走唔到」。警員立即下車上前截查私家車，當中最少3名警員擎槍戒備，「攞支槍隊佢哋（疑犯）、喝止佢哋」，並多次口頭警告要車上的人下車，「（疑犯）梗係投降啦，叫佢落車」。

溫形容當時「好驚呀！好大聲！」，警員「圍住架車，車頭、車嘅範圍，好緊張個氣氛」，但途人未有走避，反而「爭相睇呀，睇下咩事呀，喝到咁大聲！」

溫先生指出，當時有疑犯曾試圖反抗，溫更形容對方為「悍匪」，最終反抗無果被警員制服，「但係都無用，因為有個好大隻嘅差佬撳停咗其中一個悍匪」。5名年輕男子最終被制服，「逐個逐個落車，跟住逐個逐個撳晒喺地下」，警方其後派員搜車。

警方於今午3時34分接獲報案，指在深水埗欽州街37A號對開，發現一輛載有5人、懷疑套上假車牌的可疑私家車。警方到場兜截，並於荔枝角長荔街近長義街截停一輛私家車，其間警員曾經擎槍，並疑曾以警棍嘗試打破車窗，私家車擋風玻璃留下蜘蛛網狀裂紋。

警方證實，今午接獲一名休班警報案，指在九龍城牛津道及衡州道交界發現有可疑男子，把懷疑偽造車牌裝上一輛私家車，之後駕車沿太子道西道往荔枝角方向離去。該名休班警員隨即跟蹤該私家車，並向警方更新該車去向。警員接報後，在荔枝角長義街及長荔街交界發現涉案私家車，遂上前截查，惟車上5名男子拒絕合作並企圖駕車逃走，警方口頭警告不果，遂擎槍戒備及使用伸縮警棍嘗試截停私家車，最終成功制服5人。

警員在車內檢獲4把長約50厘米的亞加力膠尺、一支長約90厘米的鐵筆、一把𠝹刀及多對勞工手套。經初步調查，私家車24歲姓張男司機，以及4名介乎23至31歲的男乘客，涉嫌行使虛假文書、危險駕駛、藏有攻擊性武器及藏有工具可作非法用途被捕，他們現正被扣留調查。案件交由深水埗警區重案組跟進。