天眼直擊｜上水時裝店女賊偷$898波鞋　夾左右腋下　扮講電話離場

上水彩園廣場一間時裝店昨日（25日）遭賊人盜竊，店舖的閉路電視拍攝到整個犯案過程。天眼片段顯示，一名穿黑衫牛仔褲、右手挽手袋的長髮女子，拿起一隻米色的波鞋打量及查看尺碼，隨即收藏在外套內右邊腋下位置，然後若無其事翻看衣架衣服及打電話。相隔半分鐘，女子一邊傾電話，一邊檢起另一隻波鞋，再收藏在外套內左邊腋下位置，得手後，繼續傾電話及扮「睇衫」，最後施施然走到店舖門口，離開現場。
涉事時裝店去年已多次被賊人偷走貨品，店主亦多次報警，豈料今年又遇小偷，店主希望警方能夠將賊人繩之以法。他表示不排除賊人早前曾踩線：「偷得鞋要尺碼的，可能之前睇過。」而賊人偷走的是一對FILA波鞋，價值約$898。