黃毓民回應鄭松泰「絕密錄音」: 全部喺度講大話

日前網上流出一段熱血公民鄭松泰在一個內部會議的「秘密錄音」，揭露「熱普城」自去年立法會選舉失利後，「教主」黃毓民與昔日戰友黃洋達、鄭松泰關係今非昔比，更疑因金錢糾紛而反目，引起網民熱議。
「絕密錄音」流出後，黃毓民昨晚首度在網台節目開腔回應事件，直斥鄭松泰在錄音中「講大話」，又指《熱血時報》早前公開募款，成立「熱狗仔隊」，但收了捐款後「狗仔隊」卻不見運作。

一直以本土派自居的鄭松泰，被揭以粗口怒轟青年新政梁頌恆及游蕙禎「應該去死」，但自己要同二人「扮friend」，「因為公眾係白痴，佢哋以為我哋係本土派」，言論引起譁然。除此之外，錄音亦提到黃毓民的網台MyRadio與《熱血時報》的錢銀瓜葛。鄭松泰在錄音中稱，「去到一個地步我覺得溝通唔到，就係響我嘅底線......去到幾時掂到我條底線呢？就係當MyRadio決定暫停呢個《大香港早晨》」。

「乜底線啊你嗰條」

黃毓民昨日在網台節目中，批評鄭松泰在錄音中「全部都是講大話」，以粗口直斥鄭松泰歪曲事實，又反問「乜底線啊你嗰條，咩紅線啊咁巴閉」，又重申大家政見及想法不同，最簡單就是分道揚鑣，「我又唔使求你哋」。黃毓民亦反問黃洋達、鄭松泰等人，「我有咩對你哋唔住啊？除咗我老糊塗信錯你之外，有咩對你唔住啊？」，又指自己在上屆立法會敗選是上天眷顧，因現在所有人都已露出了真面目。

質疑《熱血時報》收捐款後走數

黃毓民又質疑，《熱血時報》早前公開募款，成立「熱狗仔隊」，但收取約20萬捐款後，「狗仔隊」至今仍然不見運作，「我啲老友係咁課金畀你，回水添啊人哋而家追你，狗仔隊喺邊啊？」，又指有收據可證明《熱血時報》已收取捐款。