【南華降班】逾廿年擁躉：個心絞痛　盼球隊重返港超　

「南華同香港足球可以話係等號，今次聽到『降班』，個心係會絞痛。」忠實南華躉佐敦遲遲未能接受愛隊降班的「噩耗」，直斥前足主張廣勇對球隊運作不熟悉，經常作出人事變動，如今留下「爛攤子」，要球隊「自降」轉戰業餘的甲組聯賽。不過，他強調未來會繼續到場支持南華的比賽，期待見證球隊重返頂級聯賽角逐。

佐敦看了南華足球隊比賽逾20年，回想起小時候在家中看球賽，認為穿紅衫多是強隊，便開始喜歡看「紅衫隊」：「以前坊間成日講，就算南華踢咗70分鐘，仲輸緊一、兩球，但球隊都會追得返嚟，打唔死。」正是球隊的拼搏精神，佐敦12年前加入球迷自發性打氣的組織。

不停炒人　開壞咗個頭

眼看球隊連續三季四大皆空，足總今日（5日）更同意南華放棄來季港超聯資格的申請，佐敦多番說感到「失望、不開心」，「以前球隊由羅傑承帶領，好風光，今次由外行人接手一間百年老店，不停炒人，開壞咗個頭，真係百思不得其解。」他批評張廣勇離任後留下「爛攤子」，而體育會高層亦未想承擔球隊。

他續說，「每次有人事變動，我都相信換人後應該情況會好轉，以現時球隊陣容嚟講，時好時壞嘅成績撐到3年，入到季內盃賽決賽，雖然都係落敗而回，不過都算係咁啦。」他表明會與球隊共同進退，不論以後南華去哪裡比賽，他都會到場打氣，「行動就係對球隊的愛，或者好快就會重返港超。」

對於有指張廣勇拖欠球隊班費，佐敦稱國外球迷會眾籌「救」球隊，但香港卻難以做出，「眾籌講就容易，要做是需要很大勇氣。」至於南華稱日後會注重青訓，佐敦就認為本土年輕球員實力一般，若年輕球員有足夠出場（港甲）時間下，可以提升水準，「由頭來過，注重青訓都係重要、必須要做的，之前睇過南華年青球員比賽的報道，似乎唔太差，多少都有啲希望。」

「桂神」：非常可惜

縱橫香港足壇多年的「桂神」黃興桂，知悉曾執教鞭的球隊「降班」，唏噓說下：「非常可惜」，便不願再評論。1982年，黃興桂應邀「上山」出任南華教練，可惜球隊戰績低落，更面臨首次降班危機，最後由足總出手挽留，翌年黃宣布離職。