彩虹邨｜市民趁重建前拍照　冀保留打卡位：唔通羅馬鬥獸場又拆？

彩虹邨重建｜消息指，房委會選定彩虹邨進行重建，需時或至少20年。有市民知道有關消息後，到彩虹邨籃球場拍照留念。他指認同有清拆需要，但認為彩虹邨的部分打卡位應作保留或作活化，「唔通羅馬鬥獸場又拆？」

▼11月6日　彩虹邨即將展開重建▼

黃先生今日（6日）得知彩虹邨將進行重建，又剛好有帶相機在身，於是到場打卡留念。他指，對彩虹邨重建感到可惜，認為此景點世界知名，政府應該保留部分建築物活化以吸引遊客，「遊客係嚟想睇本土嘢㗎嘛。」

他稱，明白有重建需要，但希望當局可保留部分特色建築，例如包圍著著籃球場的三幢舊樓，其外牆均塗上彩虹顏色，他希望可以保留至少一幢，「我覺得有啲嘢要留，唔好拆晒，要拆再發展無可厚非，唔通羅馬鬥獸場又拆？」他建議，當局可參考位於石硤尾的美荷樓，以及一旁的賽馬會創意藝術中心，既活化成藝術中心又可保留外觀。

另一位不願透露姓名的女士指，今日第一次到彩虹邨球場，同意當局重建的決定，「無咗呢個景象，但係啲人住得好啲、第日用啲面積好啲。」不過她稱，有些小店已在此經營20年以上，重建可能會令他們消失，對此感到可惜。