颱風小犬｜港鐵即停露天段　荃灣西站滯留乘客逼爆如心酒店訂房

颱風小犬襲港，天文台於晚上7時改發9號風球，港鐵即時暫停露天路段列車及輕鐵服務，有不少市民無法乘車回家，其中屯馬線錦上路至屯門站就是露天段，荃灣西站變相是尾站，區內出現大批市民滯留，需要到荃灣如心酒店住宿。
《香港01》接獲荃灣居民黃先生報料，他稱經過荃灣西如心酒店時目睹有至少三、四十人在酒店大堂排隊等候訂房，估計都是港人，又指在荃灣西港鐵站及附近碼頭見到出現過百名市民，尋找其他交通工具離開，其中有人試圖聯絡Uber司機接載但失敗。

▼10月8日　港鐵荃灣西站乘客滯留▼

《香港01》接獲荃灣居民黃先生報料，他晚上經過荃灣西如心酒店時，目睹有至少三、四十人在酒店大堂排隊等候登記訂房，估計以香港人較多，「我行過去嗰時都都好多香港人，都係同我一齊行緊過去嗰個方向。」

他指，在荃灣西站及附近碼頭亦見至少過百名市民正尋找交通工具離開，「個個企晒係度，成個西鐵（荃灣西）站企滿晒人囉。」他形容，「仲多過中秋節啲人，我話畀你聽中秋節嗰晚都冇咁多人係度啊。」
他稱見到有人用手機線上尋找交通工具離開，但難以成功，「冇的士、又冇Uber，我見到啲人call Uber都話call唔到。」

同時，他亦見有人走出馬路嘗試截下車輛，「撳手機都撳唔到，個個企晒喺度，車出行埋嚟啦啲人就個個湧晒埋去問佢，『入唔入屯門』、『入唔入元朗』咁樣，係咁係到問。」

▼10月8日　港鐵大圍站乘客滯留▼