自殺者親屬輕生率比一般人高至少3倍　辦完身後事為高危期

有研究指，2015年香港每10萬人中就有12.6人死於自殺。生命熱線執行總監吳志崑表示，根據研究顯示，自殺者親屬輕生風險會比一般人高3至4.5倍。吳志崑解釋，家人自殺會令親屬感內疚，對其離世亦產生疑問，甚至希望尋死以找到真相，「佢哋會問係咪自己做得唔好？係咪因為自己，而令對方自殺？佢哋會好想見番死者，知道個答案，『咁我不如死，去搵佢搵個答案。』」

生命熱線執行總監吳志崑指，按過去經驗，自殺者親屬情緒的高危爆發時間，是完成家人身後事之後，因為他們在前此期間壓抑情緒，保持理性，「因為又要認領遺物，又要認屍，要率辦理好多事件，要忍住，將理性行先，感性行後」。

他提醒，身邊人耐心聆聽非常重要，切忌有先入為主的意見，如不要對離世者自殺動機太多猜測，令其親屬難受，「就算親屬都未必知原因，唔應該亂咁估」；亦忌不停追問原因，令家屬受壓。

他又建議身邊人多關心他們，留意他們情緒變化，一旦出現大起伏，好多憤怒、埋怨、內疚的情緒，可建議對方尋求輔導；亦可提供實務支援，減輕生活負擔，「令佢地感到真係有人幫佢，有人與佢同行。」

求助網站和熱線
香港撒瑪利亞防止自殺會熱線: 23892222
醫院管理局精神健康專線 : 24667350
東華三院芷若園熱線︰18281
撒瑪利亞會熱線︰28960000​
學友社學生熱線：25033399
社會福利署熱線︰23432255
生命熱線 : 23820000
災後心理輔導熱線：51815501