港大取消天文及數學物理主修　林超英：做法低檔　

港大理學院院務委員會日前開會通過取消天文、數學／物理作為兩個主修科，前天文台台長林超英出席電台節目表示，理學院如此的決定相當低檔，純粹以少學生報讀就要取消科目，只會令香港產業愈來愈單一，扼殺本地培育這方面科研人才的機會。

林超英出席港台節目時指，港大理學院決定要取消天文、數學／物理作為兩個主修科，令他感到十分可惜：「大學係應該要保有唔同嘅知識，咁先可以令到香港樣樣嘢都有人識，唔可以所有人都只係識金融嘅嘛！學校唔係服務學生，係應該服務社會，學生入嚟係學嘢，港大依家咁做完全係相反。」

同時，他又認為港大此舉是漠視香港長遠的科研發展：「港大同其他學校唔同，佢作為一間多元嘅大學，教嘅嘢應該要多元，如果某啲科可以因為少學生讀就取消，咁其實港大好多科都可以取消，不如直接開炒股學院算啦。」

林超英續指，政府提到將來要講求科技和創意，中小學又相繼開STEM課程，但卻又關閉這方面的大學學科，完全是扼殺本港未來的科研人才。

另外，他亦提及本港的霧霾情況，因為污染是區域性的問題，所以林超英認為是廣東和香港的互相污染所引致，又解釋指霧霾主要是由日曬臭氧層，和有海風吹而積聚，加上本港主要是吹北風，所以都會吹至東涌和屯門，因此這兩區的污染情況都是特別嚴重。