4中一生揸「大膽挖泥機」　撞毀就讀學校外牆　家長：唔理佢喇！

今（5月2日）凌晨觀塘一間中學，四名就讀不同中學的初中生，竟於一間學校的校門前「搞破壞」，登上道路工程地盤一台挖泥車，亂動駕駛席控制桿，不慎橫掃周遭物件及牆壁。保安員發現報警，四名頑童涉嫌刑事毀壞被捕，有家長知悉後大怒指責「我唔理佢喇！」

今日（5月2日）凌晨4時許，觀塘順安道發生偷駕挖泥車事件。據悉，4名13至14歲來自不同中學的初中學生，凌晨時份，他們結伴到上址對開一條無名路，發現上址有一個道路工程地盤，眾人竟闖上挖泥車過把癮。

然而，其中一人竟無意間發現車匙，竟藏在駕駛席的暗間之中，於是取來撻著引擎。雖然車上只夠一人容身，但眾人輪流大玩特玩，四下亂動駕駛席的控制桿。其間，車頭位置的挖泥斗吊臂隨之亂舞，橫掃地盤周遭的物件，包括一部發電機、欄杆等，同時亦將寧波第二中學部份外牆擊毀，包括弄斷兩條外牆欄柵的鐵枝。

家長嬲爆：我唔理佢喇！

巨響驚動附近保安員聞聲循看，赫見操作挖泥機者竟是小童，立即制止他們並報警求助。警員到場接手查辦，初步懷疑他們僅貪玩而偷駕挖泥機，稍後召他們的家長了解事件。其中一名家長聞得其子頑皮生事，氣沖沖直呼：「個衰仔三、四點仲出街玩，仲要搞埋晒啲咁嘅嘢，唉，我唔理佢喇！」警員隨後用警車，將4名男童及家長一同帶署調查。警方指，4名男童涉嫌「刑事毀壞」被捕。