美利道停車場最後一天營業 時租客憂違泊勢必加劇
撰文：黃雅盈
出版：更新：
超過40年歷史的中環美利道多層停車場於今日（30日）停止營運。有曾在停車場工作的員工特地到訪、拍照留念；亦有時租客不知停車場結束營運，更批評政府口講打擊違泊，實際卻關閉停車場，擔心中區日後違泊勢必加劇。
+1
美利道多層停車場大樓在1973落成啟用，1978年曾為廉政公署執行處。特首梁振英在2015決定將大樓重建為商業大廈，這亦代表這幢有近44年的大樓快將成為歷史。
雖然運輸署在日前已告知自今日（30日）中午起，不會再讓時租客進入停車場停泊，但卻仍有不少駕駛人士到場打算泊車。江先生本欲到附近享用午餐，惟到停車場始知未能泊車：「其實我知停車場執嘅，但我以為聽日先停止營養，依家咁我都唔知可以去邊泊，政府又話要打擊違泊，依家又執咗啲停車場，違泊實更嚴重啦！」
林先生一家大細駕車到中區，同樣打算吃飯享受天倫之樂，現時卻未能泊車，大嘆不方便：「唉，管理員話可以去天星嗰邊泊，但都唔方便啦，我哋一家大細又有老人家，以後可以減少過嚟呢邊。」
有人大嘆政府辦事不力，但都有人支持停車場發展為商廈。退休公務員黎先生在70年代曾於停車場工作，今知道此處停止營運，於是特地到場拍照留念：「我嗰時係喺度做文員，以前連天橋都未起㗎，依家知道停車場唔再做都有啲可惜，始終都有感情，但無辦法啦始終都係要發展嘅，所以就過嚟影相留念吓啦。」