急症室加價至180元　病人：收入低、年紀大、多病痛者負擔好重

政府建議將公立醫院急症室收費由現時的100元，上調80%至180元，有輪候急症室的市民認為加幅合理，相信會減少急症室濫用的情況，但經常使用急症服務的長者則無奈稱，加價無疑令生活負擔加重。

約40歲的李小姐今日（18日）因發高燒到瑪麗醫院急症室求醫，認為急症室加價合理。她憶述，2年前因腎炎入住瑪麗醫院，「幾乎瀕死邊緣」，大讚醫護質素高，救活了她，「如果去私家醫院睇，到時要你入院又負唔負擔到？」她指急症室平均等候5至6小時，「冇辦法，始終你資源有限，政府應該撥多啲資源落嚟。」今年27歲的李小姐，在急症室由下午2時開始等待近3小時，尚未看醫生，她認為加價可以減少濫用急症室的情況，輪候時間有望縮短。

「梗係有人話貴，適應咗之後都係會去睇」

周先生則帶同9歲兒子看急症，他指兒子因耳仔痛及一邊耳仔聽不到聲音而求診，等待約2小時仍未能應診。周先生認為，急症室輪候時間冗長，認為加價至180元是合理，「香港醫療服務喺世界都算係咁，咁總有啲好同唔好。」他相信一旦實施加價，短期內輪候時間會縮短，「梗係有人話咁貴，但適應咗之後都係會去睇。」

長者呻加重負擔

不過，年屆70歲的黃伯就認為加價不合理，「100去到180蚊，加幅係好多，我哋呢啲退休人士，收入低、年紀大多病痛，負擔好重。」本身有心臟病和糖尿病的黃伯續指，自己每月最少一次到急症室求醫，平均輪候時間為5至6小時，他亦不介意輪候時間長，因為私家專科醫生收費高昂，無法負擔，「輪候時間長，呢度多老人家等都冇辦法」。他認為加幅太大，建議政府不應向65歲或以上的長者加價。