【睇見都驚】女子危站半山壹號簷篷抹窗 網民：唔使咁盡呀！
撰文：鄧麗婷
出版：更新：
【23:23更新】警方發言人晚上回覆《香港01》記者查詢有關事件時表示，在早上9時57分九龍城警區沒有收過相關報案記錄。
有網民在facebook專頁「香港突發事故報料區」報料，指今早約9時行經何文田常盛街，赫見半山壹號一單位外有一名女子危站八或九樓的簷篷抹窗，險象橫生。該網民Joyce Chan表示，「之後再見佢喺屋入面攞支嘢出嚟喺咁擦，怕佢跌落街」。
Joyce向《香港01》表示，自己吃完早餐再返回半山壹號旁邊大廈，接回上主日學的孩子時，發現該名女子轉到露台清潔，但擔心她會再爬出簷篷抹窗，曾致電警署求助但無果。Joyce對記者稱：她是於早上9時57分致電九龍城分區警署報案室，表示有咁嘅事，而且影咗相，問咁樣可否報警。但接聽警察答話如果唔知個正確單位，警察做唔到。之後記者向警察公共關係科求證，至晚上獲回覆是：今早9時57分，九龍城警區未有收過相關報案記錄。
目擊者曾報警 不獲受理
對於危站簷篷抹窗的主角乃外傭抑或住客，網民亦有一番的爭論。網民Charles Yu關注：「嘩！係主人叫佢，定係自願嘅呢？」網民Crea Tive則表示：「唔一定係僱主要求，我以前先後兩個工人叫極唔好伸出去抺窗都唔聽我講。講哂有幾危險，如有事佢屋企會點，佢下一次又照伸出去抹。好彩最後完約前都無出事。」
今年起聘用外傭不可探身抹外窗
勞工處去年宣佈外籍家庭傭工抹窗的新規定，所有今年1月1日起簽訂的外傭標準僱傭合約，必須加入兩項新條款，包括除非窗戶位於地面、露台或走廊，否則被清潔的窗戶須已安裝窗花，而該窗花須鎖上或被固定；另傭工除了手臂外，身體其他部分不得伸出窗外。
網民回應：
嘩，好危險呀，唔好咁啦。
未必係僱主叫的，好多工人自己叫極唔聽架！
有冇攪錯，告個顧（僱）主。
一跌落黎層樓即時跌價，搵自己笨。
點解咁多人覺得相中人一定係工人而唔可以係屋主？唔通住得靚樓就唔可以自己抹窗？
任何身份，都要安全第一。