重提「月睇30本書」　吳克儉稱會退休　家長贈言：「等咗好耐！」

教育局長吳克儉今早（26日）出席電台節目時表示，會於6月底完成本屆任期後退休；又重提昔日曾惹起網民質疑及圍攻的金句：希望可「每個月睇返30本書」。
回顧這位「失言局長」昔日金句語錄，當中大多都激起家長憤怒，最近期的就有「今時今日，家長唔滿意學校操TSA，大可以唔去讀同轉校」。
有家長接受《香港01》訪問時直斥：「吳克儉樣樣都唔掂！」，又有家長揶揄：「佢做得咁差，唔係諗住仲有得留任呀嘛？」

吳克儉上任4年多，既無力解決過度催谷學童等教育問題，又頻頻於公開場合失言，一直被各界笑稱是「唔得掂」，更分別被建制派及民主派議員批評不稱職。2015年11月初，吳聲稱因私人理由離港，不會出席TSA公聽會時，期時便遭當時是立法會教育事務委員會主席林大輝狠批：「點做父母官？真係市民嘅不幸！」

不過，吳克儉迴避會否連任問題多時，今早出席電台訪問時終表態稱，會於6月底、完成本屆任期後退休。他又笑稱自己「滿頭白髮」，退休後希望可「每個月睇返30本書」和抽時間陪伴家人。

局長失言金句回顧

「每個月睇返30本書」是吳克儉於2015年11月，接受立法會議員蔣麗芸訪問，鼓勵年輕人多閱讀時爆出的金句。言論隨即被網民批評是言過其實，連國際關係學者沈旭暉，都於Facebook個人專頁發文揶揄他：「我嘅大廳藏書，應該勉強夠吳克儉睇兩日」。吳克儉今日接受電台訪問時自己重提此金句，似乎未有將當時被批評的說話放在心上。

回顧吳克儉上任4年的「失言」金句，可謂「鑊鑊新鮮」。近期惹來最大迴響的就有、吳與反對TSA家長組織會面時爆出的一句：「今時今日，家長唔滿意學校操TSA，大可以唔去讀同轉校」。其次亦有去年中，回應城大天台倒塌事件時，吳疑似真情流露：「本來諗住放假好舒服，點知‧‧‧‧‧‧」幾年來句句金句均惹來市民怒斥，更間接令教育局與家長的關係愈來愈差。

家長聞吳退休　一面倒讚好

《香港01》就吳克儉退休，隨機訪問家長。受訪家長幾乎一片唱好，更有家長自言「等咗好耐」。育有一名小學三年級兒子的陳先生表示，吳克儉在位4年破壞極大：「吳克儉直頭無樣掂啦，佢上咗任呢幾年搞到小朋友好慘，啲教育政策直頭倒退，我哋都等咗佢唔做好耐，終於都等到。」他續指，對下屆政府沒甚期望，僅指「搵個好過吳克儉嘅人就夠」。

吳太則坦言對吳克儉是「負評為主」，但認為「一隻手都拍唔響」，直指「政府唔重視教育」。她又以今屆財政預算案為例指：「回歸以來（給教育）撥得最少錢喎，就算邊個做局長，結果可能都差唔多。」她表示對下屆政府完全無期望，又認為「邊個做局長都咁上下，TSA應該都係照推㗎啦」。

另一位家長張太則指，吳克儉退休是喜訊：「佢做得咁差唔係以為自己有得留低呀嘛？走梗係好事啦！」她希望下屆政府可以廢除TSA，以及改善過分操練的風氣，但就坦自己沒有下屆局長的「心水」。