【巴士革命】警方嚴打違泊 的士站排長龍車等客 司機：唔想抄牌
撰文：黃雅盈
出版：更新：
巴士工會今日（20日）發起「依法上落客」大行動，雖然整個上午路面交通暫見暢通，但引發起事件的主角——的士便有即時影響。警方今日派員在港島繁忙街道的巴士站「嚴正執法」，違泊的士即時消失，惟內街的士站大排長龍，全部均是車等人，有的士司機透露警方「揸正嚟做」，所以他們都乖乖守法。
《香港01》記者在下午約2時到其中一個的士違泊黑點銅鑼灣崇光百貨（SOGO）對出巴士站觀察，發現當時有交通警在站頭維持秩序，卻一直未見有的士等客的場面，巴士均可以對正站頭上落客。記者及後在約3時半時再到SOGO對出巴士站觀察，發現維持秩序的警員已離去，隨即有數架的士又於巴士站前等客。
記者繼而前往百德新街的士站，發現有20架以上的士正等候乘客。正在等客的士司機羅先生指，知悉今日警察嚴打違泊，所以特地「依法上客」：「今日啲警察巡嚟巡去揸正嚟做，咁我都過嚟呢邊（的士站）上客。係無咁方便等耐啲，不過乖乖地守法好過畀人抄牌啦。」他表示，今年的士站等客的車特別多，估計是大家都怕被抄牌。
另一的士司機陳先生則認同警察的行動：「平時就係有啲害群之馬喺度違法上落客，搞到啲客慣咗喺嗰個位（SOGO巴士站）上，我支持巴士司機㗎，大家都應該守法！」