【港鐵縱火】車長憶聞燶味六卡車緊急燈全亮　到站始知遭縱火

港鐵上周五（10日）的縱火事故令乘客猶有餘悸，當日駕駛列車的車長陳永強（強哥）接受《香港01》訪問時表示，事故發生之際駕駛室的六盞緊急燈都亮起，他只想要把列車盡快駛至下一站。

有32年駕駛列車經驗的強哥指，上周五的縱火事故是其車長生涯中首次遇到的火警：「嗰時剛由金鐘駛入海底隧道，然後我就聞到一浸𤓓味，都無諗發生咩事，駕駛室六盞緊急燈就着起了，即係代表六卡車都有人拉咗緊急掣。」

事故發生 只可叫自己冷靜

如此危急的情況下，強哥只是想着一定要盡快將乘客帶到下一站：「一見到嗰下係有少少驚，但都好快要叫自己保持冷靜，如果連車長都唔冷靜，乘客可以點算」。但其實強哥當時並不知道車廂環境：「嗰陣雖然有乘客用對講機同我通話，但因為太嘈完全聽唔到講咩，我只可以盡快駛到下一站。」

由海底隧道直抵尖沙咀需時兩分鐘，強哥在這兩分鐘可以做的是用廣播安撫乘客：「我只可以不斷同車上乘客講，到尖沙咀就會清客，我一路都要保持冷靜同控制中心聯絡，架車唔可以遲到，如果唔係乘客會恐慌。」同時，強哥稱列車位於海底隧道的位置，除了開往下一站外別無選擇。

到站始知火警發生

列車好不容易終抵達尖沙咀站，車務控制中心叫強哥由側門出月台，他在那刻始知道原來車廂着火：「一出到去見到第一、二卡車中間個位，有個背囊咁嘅嘢燒着咗，我就再入駕駛室攞個滅火筒畀月台助理。我覺得當時月台都夠人，都唔存在話支援不足。」

當火警熄滅了強哥再次走入駕駛室：「其實無論點，我都要揸番架車走，無話驚唔驚，我唔走下一架車黎唔到，成條線都會郁唔到。」

事故至今已數天，強哥憶述此事仍感驚險萬分，他表示當天的支援是足夠的，亦指作為車長，在緊急燈的指引下均能處理各種意外，強哥又指此事難以預防，認為只須時刻保持冷靜便可解決。