小鐵漢可落地行　媽媽祝福：最難行已過　以後要笑住行每一步

患有先天性心臟病的4歲「小鐵漢Kansas」，上月底完成第三階段的單心室循環手術，日前離開深切治療部，逐漸康復，現時已經可以落地行。媽媽送上祝福，「最難行嘅都已經行過咗 ，以後要笑住行每一步。」

Facebook「小鐵漢媽媽」昨日（13日）分享小鐵漢最新片段，他已經可以落地行，蹣跚地一步一步走近爸爸，爸爸鼓勵他「慢慢行，唔使急㗎」，小鐵漢笑言「我甩褲」，爸爸稱「又甩褲啊？唔緊要啦，你慢慢行過嚟啦！好叻喎，你好犀利喎！你行多啲知唔知？」小鐵漢報以「月亮眼」甜笑。

小鐵漢早前的血氧情況好轉，數字達90多，爸爸媽媽均稱未見過，嬰兒時為70多，他覆診時試過因血氧低要留院，媽媽感慨表示「雖然看落只是一個數字，但中間經歷很多很多，小鐵漢去努力適應每個新的循環系統，眼看一次手術比一次好，充滿著感恩！」小鐵漢因早前臥床太久，出現肌肉流失，物理治療師安排他踩單車鍛鍊。