梁太批女兒病情差言論武斷　李慧琼越洋回應：衷心祝齊昕早日康復

行政長官梁振英月初宣布因家庭問題，決定不競逐連任特首。梁振英及特首夫人梁唐青儀月初亦曾出入醫院，惹起外界關注其女兒梁齊昕的病情。
民建聯主席兼立法會議員李慧琼上星期就透露，據她了解，梁齊昕病情甚差；不過，梁唐青儀今日（26日）就公開反駁，稱梁齊昕情況很好，點名批評李慧琼的言論屬「武斷」，感到遺憾。
現時身在外地的李慧琼越洋回覆本報時說，樂意知悉梁齊昕身體情況好轉，祝她早日康復。

畢竟齊昕嘅事大家都知、亦好有興趣，齊昕同佢媽媽唔啱亦都係事實，係人都知嘅。據我了解佢（梁齊昕）病情係好差，梁振英作為爸爸，同佢個囡溝通係好好，佢選擇要進一步支持個囡，令個囡盡快康復，我覺得呢個係重要原因。

佢（李慧琼）發表言論之前一個星期，我同佢一齊食過飯，亦向佢表達過齊昕嘅健康狀況係好好嘅，咁我就唔明點解佢會發表一啲咁嘅言論，我從來無同佢透露過齊昕嘅病情，對於佢片面嘅認知下啲咁武斷嘅言論呢，我對佢嘅言論係表示遺憾。

衷心祝願梁齊昕早日康復，我樂意知道齊昕身體好好。

梁唐青儀認為，特首梁振英不會於行會上透露家事，「相信係李議員一己私下揣測」，但她拒絕透露梁齊昕因何入院。

愛女心切的梁唐青儀，已非首次公開「護女」。2014年，中文大學政治與行政學系高級講師蔡子強撰文談及梁振英家事，當中提及梁齊昕，梁唐青儀其後就公開狠批蔡子強「冷血、刻毒和涼薄」。