華大誤檢幼園生險全校隔離　家長哭訴︰囝囝日日喊住問幾時可以走

本港新冠肺炎疫情持續，早前華大基因疑出錯致28個樣本受污染，出現「假陽性」的情況。衞生防護中心於4月23日確認，該28個「假陽性」人士當中，有27人入院後驗出為陰性，而他們的78名密切接觸者，都可離開檢疫中心。
不過「假陽性」人士出院後是否意味事情已宣告終結呢？今日（26日）有華大基因誤檢事件苦主在港台節目《千禧年代》表示，就讀幼稚園的兒子於21日初步陽性，致險令全校幼稚園學生隔離。她亦質疑，為何華大基因仍然可維持檢測服務，指小孩不應獲得痛苦的經歷，「囝囝日日喊住問媽咪我幾時可以走，我依家雖然已經過咗，但仲好揪心。」

該華大基因事件苦主於電台節目上表示，由於其兒子所在幼稚園爆發上呼吸道感染，4月19日學校通知家長，學生須於20日接受強制檢測。其後，她於21日晚上收到短訊通知，指兒子的檢測結果為初步陽性，遂於22日安排入院治療。

苦主更一度哽咽說，由於兒子年紀尚幼，住院過程非常折騰。雖然全家3個人沒有病徵，但指事件牽連甚廣，擔心幼稚園全校學生亦要接受隔離。而她亦因送兒子到醫院，導致不能回家接受家居隔離，在醫院等待8小時後才被送往隔離營。

「我小朋友係一個幼稚園生，我作為媽咪唔可以入去陪佢，因為我都好理解唔係間間醫院係可以安排到咁樣嘅房間，我係好理解，成個過程絕對配合政府。點知我其實係好擔心好擔心，我牽涉好多人，我小朋友已經咁細個，佢有事我點算呢？」

「其實我哋3個人，我自己、我屋企人係完全冇病徵，當然我欣然接受啦，因為你話我Positive嘛。因為我好驚我好驚，除咗我自己有事之外，我係會連累好多人㗎，個牽連好大，全部小朋友都要入營呀，咁佢哋咁細個，佢哋好慘，入到醫院啦我哋畀左電話佢啦。佢日日喊住問媽咪我幾時可以走？我……我而家呢刻雖然過咗，我都係好揪心呢件事，依然係入心入肺呀！」

▼三圖看清　科興、BioNTech（復必泰）疫苗　預約接種及副作用詳情▼

兒子誤檢假陽性︰我都唔知點解要畀錢

後來醫院致電通知苦主指，檢測結果為初步陰性。不過她指，「出院嗰陣收到張單，唔知幾多錢。我都唔知點解要畀錢，但冇人打嚟話道歉。」但她借此機會在大氣電波中感謝屯門醫院的醫護人員，尤其一名急症室男護士當時作出的安慰。

苦主續指，最後兒子於醫院逗留了兩日，直至23日晚上才可出院，她亦於24日才可離開隔離營。她斥責衞生署應及早完成文件相關的程序。她更聲稱自己亦在生物化學的實驗室工作，質疑︰「 如果我公司發生咁嘅事，一早畀人Delete咗啦！仲可能做測試？」

苦主更斥︰「小朋友唔應該經歷呢啲嘢，點解可以因為人為錯誤（華大）可以繼續做？ 我驚自己有事，我承受嘅壓力要睇精神科醫生，我喊到係癲咗！」

▼4月23日教授袁國勇視察西營盤華美達酒店▼