市民迎寒風 搶購暖風機 浸大生打邊爐暖身
寒風隨冷鋒後殺到華南沿岸，入夜後市區氣溫拾級而下，不少市民今日下午趕購暖風機及電熱氈等作準備，有電器售貨員表示今日賣出約十部小型暖風機，至傍晚「賣剩一部咋！」
天氣清涼，最好食火窩，有浸大學生於樂富街市購買300多元魚蛋、牛丸、蔬菜等回宿舍打邊爐，「感覺上好似貴咗好多咁！我哋都買少咗嘢。」
冷鋒今日下午4時橫過香港，市區氣溫由21度開始下跌，天文台預測明早市區將低至13度，新界再低幾度。
凍肉店生意多近一成
氣溫驟降，不少市民今晚打邊爐，樂富街市的凍肉店內顧客絡繹不絕，不少人購肉丸、肥牛及響鈴等打邊爐。店舖負責人Apple表示，今日多近一成生意，「今日係多咗人買嘢，肥牛、豬肉片、丸嗰啲賣多咗，都係啱啱開始冬啫，啲人又打邊爐又燒嘢食，通常買餸買貴啲。我哋都係重要做呢幾個月生意！」她續説今年的食材價格未有變動，肉丸類維持30多元一磅。
蔬菜方面，有菜販表示今日的生菜、金菇、蓎蒿等銷情不錯，記者於6時多到店舖查詢，店員指可較平時8時提早一個小時收工，「你睇都差唔多賣晒啦，收得工啦！」
浸大女生打邊爐迎「冬」
浸大一年級學生Himan前來購買火鍋料，她表示早已約定十多位同學今晚一同打邊爐，「我哋係預咗活動嘅，咁啱有同學話今晚會凍所以一致決定打邊爐。」她與同學購買芝士腸、響鈴、肉類等，花費300多元。「我覺得啲嘢貴咗好多呀，印象中丸係貴咗，之前20幾蚊磅，現在30幾，所以買兩磅幾咋！」寒冬臨近，她表示已準備好「厚被」，暖洋洋地訓一覺。
另外，梁先生與太太亦購買了300多元肥牛、肉丸、海鮮等火窩食材，準備一家四口打邊爐。梁太表示價錢與以往相若，「我覺得價錢差唔多，係每樣嘢貴一兩蚊啦！」
市民搶購小型暖風機
近年不少市民選擇暖風電、電暖氈等，有電器舖的職員表示，樂富一間電器店店員表示，今日明顯有更多人選購售價約300元以內的小型暖風機，「今日真係多咗人買喎，賣咗5、6部啦，算多啦。」有百貨公司的電器部職員指，今日首推特價暖風機，售價298的一款非常搶手，「今日一拎出嚟就好快去貨，拎出嚟就有人要，（現在）淨返一部咋！」她續説，電暖氈同樣受歡迎，單單今日已售出6、7張。
火窩店：肉類來貨價升近兩成
此外，亦有市民會選擇外出打邊爐，九龍城禾牛薈火窩店約有七成滿。發言人興哥則表示，原本預計天氣轉冷，將會有更多食客前來打邊爐，但今晚的訂枱數量只較以往輕微上升，「我都以為會多，但都估計唔到只係多一、兩枱客，但星期五、六訂枱情況還好，希望之前會再旺啲。」他續説，肉類等食材的來貨價較以往高近兩成，「我哋都唔敢加價，加價會少咗客嘛，情願做多一兩枱，同就一就貨價啦。」