雞蛋仔含鋁超標或致睪丸細小影響生殖力 食客：講完已經冇乜胃口
撰文：黃靜薇
出版：更新：
食安中心抽查市面36種食品，發現市面多款食物因使用的添加劑含有鋁，包括港人喜愛的雞蛋仔，最高鋁含量的樣本每公斤達400毫克，成人平均每周食2底半已超標，攝入過量的鋁或影響腎功能及生殖能力，甚至令睪丸變細。大部分光顧雞蛋仔的市民指不擔心會影響健康，但亦有年輕人聽到會影響生殖能力時表現擔心。
20多歲的王先生得悉雞蛋仔含鋁超標，或會影響生殖能力時，隨即表現擔心，「你咁講完已經冇胃口」，但補充自己數個月才會吃一次，攝入鋁含量該不會超標準，故認為問題應該不大。
食客稱少吃不擔心
中年潘先生偕太太一同買雞蛋仔，他直言不擔心影響健康，更笑指「都冇諗住再生，我哋都一把年紀」，並續指自己很久才買一次雞蛋仔，「都唔知幾耐冇食，好偶然先會食一次」。同樣踏入中年的李先生則指，平時少吃雞蛋仔，「一個月都唔食一次、一年都冇十次」；食客鄭先生亦認為只要不太常吃，就不會有太大問題。