【志雲專訪】大師都「ABC」　爆拒訪梁振英秘密：他滿口語言偽術

縱橫傳媒界多年、現為商業電台首席智囊的資深傳媒人陳志雲，對政商局勢有獨特見解，他接受《香港01》專訪，大談對行政長官梁振英的看法，怒插其「語言偽術」特質非年輕人榜樣，敵我分明的處事風格令人難以苟同。
對於梁振英近日就《蘋果日報》社論發出律師信，陳志雲直斥梁「荒謬、無稽」，表明反對梁振英連任下屆特首，原來志雲大師取態也是「ABC」(Anyone But CY，梁振英以外的任何一個）。

（有無約過梁振英上節目《雲常開》？）無喎，因為我嘅節目係希望畀年輕人榜樣，我唔覺得佢係適合對象。

咩叫「僭建處理咗就等於唔存在」，我到今日都唔能夠思考、唔明白箇中道理。

（點睇梁振英對《蘋果日報》發律師信？）荒謬！無稽！一篇評論點樣可以令到你不能夠參選，或者不可以當選呢？

梁振英不是適合受訪者

縱橫傳媒界多年，過去於無綫電視主持《志雲飯局》專訪城中名人，轉職商台則主持《雲常開》節目，曾訪問不少政商界名人及官員，偏偏不曾訪問特首梁振英。到底有否嘗試過邀約梁振英，陳志雲直言：「無喎！我嘅節目係希望畀年輕人榜樣，我唔覺得佢（梁振英）係適合對象。」

梁振英最不值得學習的是什麼？陳志雲的答案是「語言偽術」：「咩叫『僭建處理咗就等於唔存在』，我到今日都唔能夠思考、唔明白箇中道理。」陳笑言，如有機會訪問對方，很想問及僭建問題，但對方或者不會受訪，「我會想問，喺哲理上，點解你會覺得一個僭建處理咗就等於無僭建，呢個係邏輯性問題，處理咗係咪等於無呢？曾經有過先可以處理，如果無就完全唔需要處理。」

好似大型反佔中大行動，點解佢（梁振英）會簽名？我覺得不可思議。

我睇唔倒一個當權者應有嘅謙卑態度。可能佢有，但我真係見唔倒，我唔係好似（創新及科技局局長）楊偉雄咁『我見過』，我真係未見過。

For the good of Hong Kong（為了香港利益着想），即使佢（梁振英）所有嘢做啱晒，呢個處事方法唔適合香港呢一刻。

批梁向《蘋果》發律師信「荒謬、無稽」

對於梁振英日前向《蘋果日報》發律師信，指該報9月8日的社論錯誤指控他於UGL事件涉貪，要求該報刊出撤回評論的聲明，陳志雲狠批梁欠卻當權者應有的器量，「荒謬！無稽！好奇怪，封信又唔係講誹謗，一篇評論點樣可以令到你不能夠參選，或者不可以當選呢？」他認為，作為有公權力之人，應該有給人批評的量度。

陳志雲續稱，梁振英的工作方向及政策並非不可取，只是「不敢苟同」其處事方法，「樣樣嘢都好似敵我分明，永遠自己無需要改善地方。我睇唔倒一個當權者應有嘅謙卑態度。可能佢有，但我真係見唔倒，我唔係好似楊偉雄咁『我見過』，我真係未見過。」

梁振英「唔適合香港呢一刻」

問到如手中有一票會投給誰，陳志雲指暫不表態，唯一可說是反對梁振英連任，「For the good of Hong Kong，即使佢所有嘢做啱晒，呢個處事方法唔適合香港呢一刻，我哋唔可以再咁撕裂，每一件事都要分你我，連政黨周年晚會，自己唔去仲叫人唔去，咁點可以架？」單憑用口說不夠表明他在下任特首人選上「ABC」(Anyone But CY，梁振英以外的任何一個）取態，所以特別拖着一隻模型狗，向記者介紹叫它做「689」。