【揮別議會】 梁家傑全身而退　重上大狀路 ：找到接班人是褔氣

從政12年的梁家傑在會期最後一日回到議會，首先要做的是「抄牌」。臨別立法會大樓，「傑哥」梁家傑說最不捨的是「人」，尤其是在日常工作中共事的立法會職員。臨別依依，梁特別向一眾職員索取電話，方便日後相聚。雖然是離別時刻，但他卻仍然保持一貫瀟灑的風範：「我都係中環啫，一個站地鐵都過到嚟啦，唔需要太濃厚嘅離情別緒」。

你放下之後，你先會知道過去12年損失啲咩

今日之後，梁家傑再不是立法會議員、亦不會是公民黨黨魁，他將會重新踏上大律師的路，到與金鐘一站之隔的中環上班。重返中環一陣子，梁已有深深的體會：「你放下之後，你先會知道過去12年損失啲咩」。話落之際，一向慎言的他又補充說：「唔好咁講啦，講得好似好negative……可以話，好體會到喺放低咗之後，會得著其他嘅嘢」。

人都係過客啫，由其是政治人，上政治舞台就預咗有落台嘅一日

梁家傑8樓的辦公室已用了5年，但他卻從容地說沒有不捨之情。他續說，每次回到房間腦海總浮起很多回憶，例如跟不同議員在此討論政事、佔領期間常常在這兒過夜：「係度沖過涼，諗都諗唔到㗎」。不過，他重申，他對房間沒有特別的感情，淡道地說：「人都係過客啫，由其是政治人，上政治舞台就預咗有落台嘅一日」。他解釋，能夠如此從容面對卸任一事，是源於可以全身而退。

作為一個領袖，最開心嘅、最難得嘅，就係你搵到一個假以時日做得比你更好嘅人，我覺得係一種褔氣

訪問中途，其「接班人」譚文豪正好回到辦公室，兩師徒相聚有講有笑，儼如朋友一樣。譚直言，本來他是屬於新界西支部，但梁卻只是見過他幾次就叫他去九龍東幫忙，「我唔知個信任係邊度嚟」。梁又笑著回應：「我收風㗎嘛！」。

梁說，譚文豪與楊岳橋順利接任其九東議席和黨魁位置，正令他能全身而退，「作為一個領袖，最開心嘅、最難得嘅，就係你搵到一個假以時日做得比你更好嘅人，我覺得係一種褔氣」。他寄語一眾立會新丁要毋忘初衷、勿急功近利：「好似我咁，做完大律師公會主席，冇做過地區工作，砰一聲攞到五、六萬票，呢啲係可遇不不求。唔好將我作為一個人版。你一定要做好自己嘅修養」。他笑言，自己12年前他亦是新人，他相信新人只要有心做便可以。

看著坐他對面的譚文豪，他更有額外的一番話，「你而家開始行啦。我行完12年睇返轉頭，真係要注意平衡。親子時間永遠都唔會夠，但千其唔好過咗12年之後，令你有太大嘅遺憾」。而譚亦真誠地向「師傅」道謝感言：「香港過去12年冇咗梁家傑，社會會變得好唔同」。

忠告建制派派「唔好做得太過分」

梁家傑的臨別忠告絕不偏心。他透露，他在私下曾勸建制派人士「唔好做得太過分」，因為只是制度不公義，他們才可佔利。他語重心長地說：「無論建制派或者民主派，我哋都係呢個大氣候嘅受害人嚟㗎。當然佢哋而家可能得到中央器重，因為佢哋棋盤都需要一啲棋子。但係唔好意氣風發，因為你都唔知邊個被利用就可以用完即棄，即係英文所講：Who has the last laugh, you'd never know.（你永遠不知道，誰會一直笑到最後。）」