非建制會議未商討會否出選特首　郭榮鏗：唔好咁天真諗住做造王者

非建制派立法會議員昨日首次開會，會上討論是否需要成立溝通平台及討論立法會事務和民主議題。召集人涂謹申今日（29日）在電台節目中強調，會議只屬於非建制派議員之間交流意見，不會削弱議員個人議政空間。對於公民黨梁家傑指，泛民應有兩手準備派人選特首，涂指昨日會議匆忙，並未就此作討論。

涂續指，現時對市民最大利益，是制度改革有真普選，故現時「第一關盡量爭取做（特首）選委，多一百票，就多咗討價還價嘅能力」。出席同一節目的公民黨候任立法會議員郭榮鏗亦指，泛民有意成為特首「造王者」一說並不實際，認為「唔好咁天真諗住自己做到造王者，中央都有部署唔比你做呢個角色」。

同場的香港眾志候任議員羅冠聰形容，泛民若希望不派人出選特首便可影響大局「唔易做到」，因「中共唔會咁易放手」。羅又指，非建制派不應倉卒決定不派人參選特首，或支持某位建制派特首候選人，形容「梁振英都走哂數，同魔鬼交易好危險」。

梁繼昌有意爭財委會主席

對於建制派欲擔任立法會財委會正副主席，郭榮鏗指公專聯梁繼昌亦有意角逐財會主席，根據過往經驗，「應該可以輪流做，睇唔到有咩問題」，同時指建制派「有啲會覺得好重要就唔比你，呢啲係唔啱」。除內會及財會外，郭認為其他委員會亦應由泛民及建制派議員輪流出任主席。