【守護運頭塘商戶・有片】黎棟國聯署撐小店 冒雨為東主睇合約
「大埔有三昌，大元耀昌（現已易手改作榮昌）、太和德昌同我哋運頭塘其昌。」其昌老闆羅鴻平先生驕傲地細數大埔著名文具小店，「我哋冇得做啦，領展淨係講錢、錢、錢」。領展出售運頭塘邨商場予駿昇投資（香港）有限公司後，六間街坊小店遭逼遷，聖誕過後，大埔三昌，成為絕唱。小店遭到壓迫，同是大埔街坊的保安局局長黎棟國夫婦，不但冒雨前來替羅生講解合約條文，揪出其中的魔鬼細節，昨晚更到場簽名支持保留小店，令羅生感動不已，大讚他是「有心人」。
60多歲的羅先生，自運頭塘邨1991年入伙以來，便在運頭塘邨商場開設其昌文具玩具公司。年輕時任職多個行業，「餐廳、開士多、織冷衫、雞蛋仔我都賣過，都係啲粗重嘢，後來希望做啲斯文啲嘅行業，咪開間文具舖囉，點知做得最長就係呢行！」為想斯文，所以開店，不經不覺堅守了四分一世紀。他笑指，自己當年連A4紙和A5紙也不懂得分辨，「咪一路做一路學囉」，但靠著這小小文具店，養大了一對子女。
羅生指，新約簽下不久，原定2018年11月才完結的約，突然提早至2017年1月，「上個月足足發咗五封律師信畀我呀！」原打算新約完結後退休的他，不忿計劃被打亂。羅生20多歲的兒子全職在店內工作，其昌結業後，也恐怕需另覓工作。「以前房署管時，租金好合理，金融風暴、沙士都減過租，領展接手後加咗好多租，本來想加我五成，還價先加28%，依家都成三萬一租」。
黎棟國幫眼睇租約
記者昨日再訪文具店，一小時內多達20人簽名支持保留小店。晚上8時許，保安局局長黎棟國夫婦更特意前來探望，並簽名支持保留小店。「黎棟國係有心人，連我們這些小商戶也會幫。」原來黎棟國是文具店其中一名熟客，「佢同太太禮拜日成日會嚟附近食嘢，以前成日幫我睇文件，好好人㗎，我都好唔捨得佢。」羅生笑言，黎棟國為人低調，來到其昌時也沒有客人認得。
夫婦冒雨前來講解不平等條款
當時簽定新約之後，羅生心內一直惴惴不安：「我唔識英文，只知租到幾時、租幾錢就簽了合約。」有一天，黎太來店光顧，他將心內擔心道出，黎太一口答應讓丈夫看看條款。想不到，兩日後，當晚下着大雨，黎棟國夫婦竟雙雙前來，黎更向他解釋，條款之中的「魔鬼細節」，有一條對他頗為不利－－業主可用書面於不少於六個月前通知終止合約。
想不到一語成讖，新約於六月生效後不久，業主即以此條款逼遷。不過即使身為局長，對已簽下的合約亦無計可施，黎棟國亦只能教路，籲有需要可嘗試借傳媒、議員及街坊的力量，試試小店可否得以保全。記者向保安局局長新聞秘書查詢，獲回覆指黎棟國夫婦昨（周日）晚在大埔晚飯後，到運頭塘邨其昌文具店簽名，支持保留小店。
租約魔鬼細節：根據領展與羅生的租約條款，其昌文具店原於2018年11月約滿，惟業主若決定出售、重新發展或裝修商場，可以書面給予不少於6個月通知終止合約。其昌文具店於2016年7月收到由新管理公司駿昇發出的律師信，指需要裝修運頭塘邨商場，故需在6個月後、即2017年1月終止合約，比原定的約滿日子足足提早22個月。
希望其他高官也簽名
「希望其他高官好似黎局長咁實際啲，幫我哋簽個名，我哋都覺得好窩心丫」。對於黎棟國夫婦為人，羅生讚不絕口，「黎生係一個好平實嘅局長，又冇架子，真係好多謝佢」。羅生坦言，大財團眼中只有錢，經常以一些不平等條款要脅小商戶，盼政府能向財團施壓，令本港特色小店得以保留。高官簽名支持保留小店，小商戶可會期望政府做得更多？羅先生坦言，回購領展已未必可行，只願政府多出手監察，能阻止不平等合約的出現。
領展離晒譜，好嬲呀，執咗都唔方會開番間文具舖架啦，我叫晒全家嚟簽名架。
教育大學講師趕在結業前掃貨
此外，在香港教育大學任教藝術科的許明輝博士特意前來「掃貨」，「我幫襯咗好多年架喇，無咗唔知點算！」許博士笑言「呢度啲貨最齊架喇」。住在大埔碗窯的馮先生也前來簽名支持保留其昌，「由細買到大，好唔捨得，呢頭冇咗間文具舖好唔方便」。熟客王先生匆匆前來購買租單簿，並笑稱：「呢啲古董嚟架喇！」育有三子女的古太，亦前來為孩子搜購文具，「領展離晒譜，好嬲呀，執咗都唔方會開番間文具舖架啦，我叫晒全家嚟簽名架。」訪問期間，店內不斷有小孩進出，羅生總是提醒他們不要跑，不要撞傷頭，「呢度好似托兒所，父母喺附近買嘢，都好放心叫啲小朋友喺度等陣」。
由不懂分A4A5紙 變紙專家
街坊陳先生前來買毛筆，他向老闆大呻，香港的人情味大不如前，「嚟領展商場泊個車都要勞氣！」平日習慣練字的他，稱讚其昌「紙筆墨硯樣樣齊」。羅生笑指，年輕一輩連寫毛筆用的紙也不懂得細分，「你知唔知呀，宣紙、玉扣紙、日本嘅月宮殿紙都唔同架，宣紙抗蟲好，畫畫用嘅；玉扣紙平啲，唔起毛絨，啲人用嚟習字；月宮殿紙就厚啲，紙面滑啲，唔係亂賣俾人架，出面好多大書局啲店員未必識分」。他更指，黃霑口琴師傅梁日昭也是其昌熟客，「佢喺羅定邦中學教口琴時，成日嚟買毛筆，佢都經常練字架」。25年經驗，令羅生由不懂A4紙和A5紙，變成紙專家。
「好多謝班街坊，（結業）消息傳出6日到，已經收集咗千幾個簽名，唔知講咩好......」羅生坦言，會盡最後努力爭取保留其昌。「大埔有三昌，大元耀昌（現已易手改作榮昌）、太和德昌同我哋運頭塘其昌。」羅生指耀昌負責人亦得悉其昌被逼走的事，「陳生陳太好命，80年代就開始做，做到想退休就易手，我哋就冇咁好彩咯」，說時不禁黯然。
模型店髮型屋同遭逼遷 商戶嘆「過唔到年」
商場內被逼走的大埔玩具模型老闆劉先生慨嘆，開業26年間，自領展上場後被逼搬舖位兩次。模型店同樣陪伴幾代小孩成長，即時到了online game橫行年代，店內仍有不少孩童流連。劉生笑言，做玩具要與時並進，從前流行四驅車、爆旋陀螺，Yes!卡，現在是迪士尼卡通天下，「唔識咪問番啲細路囉」，面對逼遷，劉生坦言感到無奈，現時志在清貨。另一家被迫走的髮型屋老闆吳先生亦前來大呻，「大家都係做到聖誕左右要走，真係過唔到年呀，夥計都好擔心失業」，更斥領展專找小商戶開刀，不近人情，現時唯有在區內另覓舖位，但租金高昂令人卻步。