【寒流到】天氣凍引出怪獸家長？幼稚園家長為子女周一請假避寒

幼稚園唔返一日半日有乜野問題呢 ? 就算大人咁凍起身返工都辛苦啦。

今個周末天氣特別凍，市民還可以躲在家中避寒；不過明日（25日）本港將迎接23年來本港最凍的一天，無論大人和小朋友也避無可避，需如常上班回校上學。有幼稚園家長在網上討論區表示，學校老師來電稱周一天氣寒冷，家長可決定子女是否回校上課，引發家長激辯。有家長表明早已打算替子女請假避寒，也有家長堅持如常送子女回校上學。

反對天氣凍上學家長：堅凍好易吹親！

不少認為周一天氣寒冷不應讓子女回幼稚園上課的家長均認為，天氣嚴寒子女特別容易病倒，而且幼稚園非正規課程，子女身體要緊，周一無必要強行冒着寒風上學。個別家長更留言稱，臨近農曆新年才病倒相當麻煩。另有家長反問，夏季天氣酷熱所以放暑假，為何天氣太凍不可特別放假一天？

我住新界區，堅凍喎，加埋有風，好易吹親！星期一太凍我都唔會俾小朋友返，幼稚園返去活動日，無謂病左抖幾日喇。

話時話香港有得放暑假， 係因為暑假時氣溫會熱到中暑， 所以七、八月可以唔返學放假。咁點解香港有一日特別凍唔可以放假呢？

撐如常上學家長：除非凍到結冰　子女應如常上課

堅持周一應如常上課的家長則認為，課室氣溫較室外暖，不擔心天氣問題，又認為家長應趁機培養子女的責任感。

除非凍到條路結晒冰，如果唔係我覺得返學响室內係冇問題嘅；我都冇諗過唔返工。

小朋友要學識做事認真同唔放棄，而訓練佢地就係呢啲小事情上。假如郁啲就唔返學，佢地會有咩觀念？咪係唔認真囉！小朋友嘅觀念會影響佢地各方面，唔單止係面對天氣嘅態度。

幼園校長：除非體弱易病　周一應如常上學

資深幼稚園校長、教聯會理事林翠玲認為，若家長因子女患病或體弱容易病倒，在周一替子女請病假實無可厚非；但除此以外，家長應讓子女周一如常回校上課，從而學習負責任、在寒冷天氣照顧自己等。她又稱，不同幼稚園均會因應天氣而作校服特別安排，例如容許學生改穿質地較厚的運動服、額外穿羽絨等，相信學生回校上課問題不大。