【連儂牆】周六清洗行動照舉行　何君堯：只撤銷申不反對通知書

反對修訂《逃犯條例》示威逾三個月仍未平息，不少人在各區公眾地方，在告示貼寫下反修例心聲，然後貼在行人隧道等牆上，形成香港「連儂牆」。建制派立法會議員何君堯上周公布發起舉行「清潔香港運動」，號召建制派人士明日星期六（21日）總動員「清牆」，「把影響市容的垃圾撕掉，洗淨牆壁」。
警方在昨晚（19日）表示，收到主辦單位「通知警方取消有關活動」；然而何君堯在今日（20日）凌晨於Facebook進行直播時，解釋只是撤銷申請不反對通書，原因是舉行「清潔香港運動」毋須有關程序，揚言「清潔運動依照我哋原定時間，9月21日舉行」。

延伸閱讀：【連儂牆】何君堯發起周六全港「清牆」　警方：接獲通知取消集會

對馬會取消周三夜馬感詫異：點解屈服於曱甴佬？

何君堯與兩名合夥人的名駒「天祿」原在周三（18日）跑馬地夜馬出賽第一場，有網民號召到馬場活動，馬會於開跑前約6小時，稱因應安全考慮，取消全晚賽事。

何君堯在今日凌晨的FB直播中，先就事件作出回應。他指回歸以來，馬會從未因政治理由而取消賽事，有關安排令人詫異，「點解屈服於『曱甴佬』（部分建制人士對示威者稱呼）？呢啲曱甴為患全香港，搞到亂七八糟。只係宣稱有幾百人圍馬會，我哋馬會跪低！」

稱從無想過政治影響「馬照跑」

何君堯指「天祿」沒有退出，馬會權衡輕重，取消全部賽事，「寧願11億（元投注額）都唔袋」。不過他前後想法有變，「我感覺上不應向惡勢力低頭，呢個係我初步諗法；後來諗清楚，馬會做呢個決定，亦都有佢公民自主，因為我從來冇諗過政治影響『馬照跑』呢個practice。」他表示，馬會賽事部經理在賽前曾致電其拍檔報告事態，但沒有提出或暗示要求「天祿」退出。「我當時都話唔應該為呢啲事情（網民號召到馬場），唔知堅定流，喺咁講兩句就信咗佢，立場要堅定，定啲嚟，談話中互相勉勵、互相支持。」

但馬會周三中午卻決定取消全晚賽事，他認為恰當，對他公平，「佢（馬會）都係避免政治帶入馬會，堅持公平公正態度。唔會因為一個人，尤其是何君堯係愛國愛港情況下，對社會嚟做更大工作，希望可以撥亂反正、止暴制亂，香港盡快回復平靜、太平。」

犧牲小我又何妨，喺止暴制亂未達到效果之前，我哋咪唔跑住先，畀天祿休息吓，畀馬迷繼續享受吓。

決定「天祿」暫停出賽：無所謂

「如果馬會唔撐我，要脅要我隻馬退出，或者將成場第一場退出，梗係唔恰當。喺咁情況之下，佢惟有取消全晚賽事。」他稱經過一晚考量，昨早（19日）與兩位拍檔再討論，決定暫停「天祿」再出賽，「無所謂，最緊要香港盡快重歸正常。我哋隻馬如果俾人用嚟脅迫馬會，呢個對馬會唔公平，對整體社會唔健康，馬會做緊善事，反而咁樣俾人脅迫，既然係為社會好，犧牲小我又何妨，所以得到兩位合夥人深明大義，喺止暴制亂未達到效果之前，我哋咪唔跑住先，畀天祿休息吓，畀馬迷繼續享受吓。」

指毋須「不反對通知書」都可進行清潔香港運動

何君堯在差不多進行直播同時，在FB上載一張疑似撕連儂牆的相片，並寫有「愛國愛港　走到最前的戰士　何君堯」。

他確認就「清潔香港運動」向警方提出舉行集會，不過已撤銷申請「不反對通知書」，但並非取消行動，「因為我哋考慮，唔需要用呢啲程序做，一樣都可以做到我哋清潔香港運動」，「清潔運動依照我哋原定時間，9月21日舉行，到期時我哋再同大家做直播。」

指斥「曱甴」發布假消息

昨日網上流傳一張以福建社團聯會發出號召參加周六的沙田清潔香港運動，又有傳何君堯呼籲支持在下周日（22日），一同參加與福建社團聯會合辦的「922守護機場大行動」。何君堯澄清均是假消息，着支持者留意其FB公布，「呢個時候，『曱甴』愈嚟愈多呢啲卑鄙手段，盡量擾亂大家視聽，大家唔好收到假消息、假新聞迷惑咗。」