《點五步》刻劃香港棒球威水史　「山狗校長」親述弱旅奪冠內情

取材自沙田少年棒球隊經歷的電影《點五步》將於8月25日上映。電影改編自真人真事，講述80年代，香港棒球運動的一段光輝歷史。
戲中有一幕，沙燕隊投手側身揮臂，大幅度扭動身體，大力投出最後一球，捧球在長空劃出一道讓人顫抖的軌跡，越過敵隊的擊球棒，被隊友牢牢接實。這一球，標誌一隊弱旅創下奇蹟擊敗一眾強敵奪冠。
一手一腳帶領這支弱旅寫下動人故事的，正是有「山狗校長」稱號、時任基覺小學校長的盧光輝。這位75歲的長者憶述33年前往事，時空交錯，娓娓道來沒有必勝方程式，唯有刻苦：「做事最緊要投入、貼心，輸唔緊要，但要知道輸喺邊度，分析得一清二楚。棒球講求團隊合作，大家一齊共艱苦，就係棒球體育精神。」
攝影：黃永俊、江智騫
場地：余振強紀念第二中學

在香港，棒球受場地限制，從來是冷門運動，但總有人會付出所有投身當中，盧光輝就是佼佼者。他自言「體內流淌着棒球血液」，一切源於12歲那年，父親以「有好味的春卷食」誘惑，帶他到棒球場觀看訓練，「嗰陣都唔知棒球係咩，剩係見啲人拿住支棍係咁扑，後來睇睇吓就上癮」。

他後來成為南華棒球隊二壘手，一直打至27歲退休，然後便投身教育界。不過，香港80年代沒有華人棒球隊，時任基覺小學校長的他，倡議在沙田成立少年棒球隊，得到時任沙田區政務專員的前特首曾蔭權發起籌款支持，利用區議會的63萬元資助球隊發展。沙田常有燕子出沒，故此球隊取名「沙燕隊」，揭開傳奇故事的序幕。現時跨越沙田城門河中游的「沙燕橋」，就是以他們命名。

「百厭星」組沙燕隊

沙燕隊成立時，由30位「百厭」小學生拉雜成軍，這班「百厭星」讓他既頭痕又驕傲，「有班主任看到有出名曳學生在班名單內，擔心到喊。我就話『唔使喊，等我處理』。」在盧校長眼中，每個加入球隊的學生都各有所長，只待發掘。

讀書唔得，就會有第二樣嘢得，無理由樣樣嘢唔得。

第一代沙燕隊隊員陳嘉駿和區穎良，入隊時分別10歲和6歲，陳嘉駿說，訓練雖苦卻也最有滿足感：「暑假最熱，30多度暴曬都照訓練，由早上9點，一直到天黑，球場黑晒我哋就走。但每次都想接實每一個波」，「接球前會好驚，一接到就會好興奮，加上校長投球快狠準，接到佢嘅波更刺激」。

「打一巴已經係青菜一碟」

不過，比起接球前的「驚」，他們更驚被盧校長掌摑，「有人唔認真聽校長講嘢，佢就會直接摑一巴，未感覺到痛，眼淚已經流出嚟，打一巴已經係青菜一碟，其他人見到就會乖乖聽話」。他們又指，倘有隊員講粗口，亦會換來校長狠狠掌摑。

校長話唔係唔可以講粗口，要睇時機、情況，如果無時無刻講，就係唔識講粗口；但被人侮辱，好嬲要還擊，忍無可忍係可以講。

慘敗後的勝利

沙燕隊首次參加「香港少棒聯盟公開賽」，共有11支球隊參賽，當中有爭取衛冕的日本隊伍，亦有來自棒球強國的美國隊。首循環階段，沙燕隊連輸九場，陳嘉駿憶述當年大家都怕得要命：「落場時腳都震埋，拎住支球棒都係咁震。」隊員接連揮空球棒，但大家漸入佳境，最後一場對壘美國隊，沙燕隊以一分險勝，首嘗勝利滋味。

自此之後，沙燕隊隊員表現如有神助，在次循環賽氣勢如虹，不斷過關斬將，連取十場勝利並捧盃而回，連最強的日本水牛隊亦成沙燕隊敗將，創下傳奇。盧光輝說，不放棄、不驕傲，不論輸贏，或許就是最佳態度。現時已發展出六支球隊。

做事最緊要投入、貼心，輸唔緊要，但要知道輸喺邊度，分析得一清二楚。棒球講求團隊合作，大家一齊共艱苦，就係棒球體育精神。

「山狗校長」助山區重建校舍

盧光輝其後成為國家棒球隊顧問，不時帶隊到各地參加比賽；但閒時，他卻選擇投身於重建內地貧困山區學校，得到「山狗校長」之稱。他說，關心內地山區學童，是因為1993年到內地蘭州時，發現山區兒童嚴重失學，於是決定籌款援助他們，重建校舍和捐贈物資。

退休後，盧校長的足跡踏遍大西北，援建的山區學校多達700間，「我不在棒球場（的時候），就在山區。我做教育就要這樣。」他希望將所有山區的失學兒童帶回學校，現時每年會到偏遠山區探訪三次，每當看到學童的學習環境有所改善，他倍感安慰。