財爺暗寸林鄭？　「我考第四會好開心」　

財政司司長曾俊華是特首跑馬仔熱門人選，有傳他與另一熱門政務司司長林鄭月娥兩個只能出一個。兩人先後接受商台節目《雲常開》訪問，分享讀書和成長經歷。
林鄭月娥早前曾在節目表示，由小一開始考第一，曾經因中期考成績排名第四而哭成淚人；今早曾俊華在同一節目形容自己童年「少少曳」，又稱未考過第四或以上，笑言「我考第四會好開心」，節目中又道出最後入讀美國名大學麻省理工學院（MIT）。

曾自稱「香港仔」的曾俊華在接受節目主持陳志雲訪問時，父親1949年由內地來港，原計劃移居到美國與曾祖父團聚，但申請手續問題而留港一段時期，「咁我就變咗一個偶然香港人，喺香港出世，我啲兄弟姊妹都香港出世，到13、4歲先全家人一齊去美國…… （如果父親直接去美國）就唔會係香港製造（指在港出世），變咗100%『竹升』。」

童年「少少曳」　有自己主見

曾俊華小學和中學分別讀喇沙小學及喇沙書院，他形容自己童年「都唔係好曳」、但「少少曳」，因為不聽話、較有自己主見。

曾俊華在節目中說，未曾考過第一，連考第四都未試過，「我考第四會好開心」。他稱在喇沙書院讀書時，不止未能入讀精英班，學校編班由Ａ至Ｆ，最佳學生在Ａ班，他就快讀Ｆ班。父親決定移民美國，是為他們幾兄弟姊妹有發展機會，確實在當地也讀了不錯的學校。他直言如留在香港，相信都入不到港大。

成績過得去，都唔可以話好的，我未試過考第一……我考第四會好開心，我相信考第四都未試過。（2016年7月25日商台《雲常開》）

「小學開始，我一直都喺中期考、大考都係考第一，試過一次中期考就考第四，依家仲記得嗰次喊到飛哩啡呢（音讀fi li fe le），返到屋企媽媽問咩事，佢好驚，細路女咁樣喊，係咪俾人蝦過？所謂挫折就呢啲咁樣嘢。」（2016年5月2日商台《雲常開》）

曾俊華去到紐約，深感與現實有落差。他住在移民區，亦曾經流連唐人街，與朋黨結交，去球場打波、周圍蕩，他坦言當時有不少青年幫派，很易學壞，確實有的部分朋友入了幫派，有些在坐牢，亦有自殺離世，但也有人很成功。他形容自己「好彩」，在初中時考上好學校，成人生轉捩點。