領展加租3倍 趕走35年金禾茶餐廳 老闆斥：淨係考慮利益
屹立於沙田禾輋商場35年的金禾茶餐廳，因被領展加租近3倍而無法續約，今日光榮結業。大批熟客今午紛紛到享用在金禾的最後一份午餐兼拍照留念，有舊街坊由伙記變成熟客，豪言「開張嗰日我喺度，收爐嗰日梗係都要喺度啦！」。這間屋邨茶餐廳，是八十年代三位大專生的創業地，告別半生心血，老闆語帶不捨，有股東更批評領展向錢看，「唔理小企嘅需要，淨係考慮利益，羊毛出自羊身上，結果市民好受壓力」。
金禾的最後一天，並無大鑼大鼓的告別儀式，只在門外貼出一張告示與街坊道別，顧客如常光顧，有些熟客在門前拍照留念，而熟客當中，虞太及貞姐與金禾的緣份特別深，街坊形容虞太是金禾的「開國功臣」，丈夫曾在餐廳開業時任大廚，自己亦曾於餐廳當過侍應，現在則由伙記變為熟客。
捨工廠區擇公屋商場 3書生立志開餐廳
1982年，香港工業正值起飛，不少人選擇在工廠區開飯堂賺大錢，但金禾的「起跑線」卻與眾不同，虞太及貞姐娓娓訴說金禾的歷史，當時3位浸會書院的畢業生矢志建立「金禾茶餐廳」，但由於舖位位置鄰近公共屋邨，吸引不少競爭，然而最後成功突圍，全因3人教育程度較高，而80年代賭博風氣盛行，房署相信他們不會將餐廳改造成賭客的落腳地，結果餐廳一做就是35年。
老顧客四代同堂從美國回港幫襯
其中一位老闆張先生當年斥資30多萬，在當年的禾輋商場開業。他形容，商場數十年來經過幾次翻新，但整體上「都係差唔多咁」。經過35個寒暑，不少員工已退休，加上「有啲好爛賭，有時返咗一個星期有第二檔搵佢就辭職」，已經數不清35年來請過多少員工。要數最難忘事情，大概是有顧客「三、四代同堂，喺美國搭飛機返黎食」。
唔理小企嘅需要，淨係考慮利益，租金要高，羊毛出自羊身上，結果市民好受壓力
加租近3倍 股東批評領展不顧小企需要
據了解，領展曾向金禾提出兩個方案，第一個是原址續租，但月租將會由現時7萬多元加至20多萬；另一方案是搬到商場另一個較小的舖位。老闆們面對兩個根本不是選擇的選擇，既不能負擔近3倍租金，而樓上舖位又太小，結果唯有光榮結業。
70多歲的老闆張先生批評領展「向錢看」，加上處理手法有問題，「好似將舊商場化咗妝，表面變得新啲吸引多啲人流，咁佢就有理由加租」，又指其做法令租戶及市民反感，「唔理小企嘅需要，淨係考慮利益，租金要高，羊毛出自羊身上，結果市民好受壓力」。問到會否另覓地方再戰江湖，張先生表示「有機會實做」，但下一步希望先「優閒啲先」。
日炒150碟乾炒牛河
曾在金禾做過一年侍應的貞姐，推介金禾的味菜排骨河，但笑指以前廚師的質素「好少少」。多位員工亦臨別依依，大廚坤哥平日至少炒150碟乾炒牛河，指今日生意太好，到下午約1時已售罄不少食物。有水吧員工則高舉V字手勢，以一句「聽日你唔好入錯門口呀！」與熟客道別。下午3時許，最後一批食客用餐，員工「埋數」後，金禾正式結業。員工在餐廳預備了一頓盛宴，有冬瓜盅、乳鴿等。虞太則在門外通知食客金禾結業，霸氣地跟街坊說：「開張嗰日我喺度，收爐嗰日梗係都要喺度啦！」
延續前人理念 捐款回饋社會
另外金禾臨別之際，老闆及員工亦決定共襄善舉，向無國界醫生及香港宣明會各捐出一萬元，並於門外貼出入數紙。張先生指是為了延續前人的理念，「先賢之前每前都會捐錢，今次作為紀念，工作咗幾十年，當回饋社會囉！」