TSA諮詢會 家長批教育局無能為力 官員：操練難一刀切解決
撰文：蕭輝浩
出版：更新：
點解我的小朋友要靠幸運入到唔駛操練的學校先可以保得住個童年，而唔係我有選擇權?教育局應公開每間學校的功課量和學習時間俾家長揀。
由教育局舉辦的全港性系統評估（TSA）家長諮詢會今晚舉行，多名TSA檢討委員會成員出席，包括考評局秘書長唐創時 教院講座教授莫慕貞、 家校會主席湯修齊以及教育局官員等。
教育局一直話有專家，但要咁多人出黎嘈先去檢討，叫人點樣相信你（教育局）的專業人士？去監控學校啦，但唔好用小朋友做一個工具去監控。
每名參加者可獲派教育局單張（見圖），單張解釋坊間練習不等同TSA試卷、又強調教育局一直主張愉快學習，TSA屬低風險評估等。會議先由教育局官員及莫慕貞簡介TSA，官員發言期間一度有家長打斷官員發言，要求對話。
TSA報告提供學校答對同全港答對率，但無一個合格唔合格的標準，變相令學校係無止境追逐成績。
津校家長：係我個女唔好彩（要考TSA），唔可以怪人
諮詢會踏入家長諮詢環節後，多名家長先後發言，不少家長批評。育有兩名於津校讀小四女兒的家長於會上直言，從友人口中得知：「直資學校係ignore TSA，直資學校對小朋友成長有其他看法。係我個女唔好彩（要考TSA），唔可以怪人」。他批評，TSA對小三學生的分析能力要求太高，「當年女兒經常要作文，結果晚晚要11點先訓。」
我睇到段片真係好感觸，如果考Tsa真係好似段片咁，考完呀媽都唔知，我地駛咩爭取取消TSA咁多年？但現實唔係咁。
另有家長認為TSA沒有問題
不過亦有家長明言自己「好彩」，兒子不用操TSA，直言不希望被代表，又反問教育局有多少學生有過度操練，「如果只係20%至30%學生有過度操練唔算多」。另有家長會議前表示希望了解TSA，但在諮詢會中途離場，認為諮詢會只是家長一面倒批評教育局。
會議最終超時1小時才完結，教育局官員總結發言時表示，現階段沒有排除任何方案，內容重點如下：
教育局官員發言重點
操練問題難一刀切處理
承諾所有諮詢會的家長意見會交TSA檢討委員會並列入委員會報告
日後會加強與家長溝通和考慮加強TSA透明度
重申TSA答對率不是用於催谷學生、校內試和TSA不是互相排斥
TSA檢討委員會2月初會有清晰方案