【迷你倉奪命火】親身悼傑仔　市民斥政府冇監管：唔應該發生！

殉職消防隊目許志傑「傑仔」今早路祭，雖然並無開放予公眾人士參與，更斷續下着雨，但不少市民都特意前往牛頭角道現場，向殉職消防員致以敬意。

退休消防員江先生兩年前透過消防義工隊，認識了許志傑。他表示傑仔為人熱心盡責，希望他一路好走，相信同袍會照顧傑仔家人，「會睇住小朋友成長」。他又指，消防工作本是危險，但消防員會用專業知識同經驗克服，希望盡職務後，可在千變萬化的火場「安全入去安全出返來」！

而市民楊先生希望政府當局及消防處汲取教訓：「呢啲事（消防員殉職）唔應該發生，消防法例唔完善，對迷你倉冇監管，政府要做多啲嘢！」而市民黃小姐亦前來獻花，她表示男友為消防員，認識傑仔，因此對他不幸殉職感同身受，份外惋惜難過。