【迷你倉奪命火】消防流傳錄音：外牆石屎爆晒　有少少驚會冧落嚟

牛頭角時昌迷你倉發生的四級火，至今導致兩名消防員殉職，另外多名消防員受傷送院。今日消防界流傳多條Whatsapp錄音聲帶，當中有指因屋宇署稱大廈或有倒塌危險，消防處遂派出一隊人員入內救火，怎料導致悲劇再次發生。

手機App讀者請 點擊這裏 收聽錄音

大樓情況惡劣　有指或因瀕倒塌故再派人進場

「我哋宜家做四樓，咁就拍灣仔泵，咁就兩隊車更，兩個兩個就輪流入，大概每人做兩分鐘就出返來，抖一抖，咁宜家現場四樓溫度好高，都入唔到好多，因為佢後樓梯外牆一上去就感到熱力好勁，同埋道牆已經裂晒，啲石屎已經爆咗出來，其實真係有少少驚佢冧。」

一段錄音中，疑同為消防員的人士指負責四樓滅火工作，在灣仔消防車隊協助下，以兩隊車更分工，兩人一組輪流進入火場救火，每組會在兩分鐘後離開休息。該人士指當時大廈四樓已很高溫，環境惡劣，不但在該處後樓梯已感受到熱力，牆身又出現裂痕，而且石屎爆裂，坦言擔心有倒塌危險。

轉守為攻　終釀悲劇

「D.O.話，本來佢哋係玩防禦式嘅，喺出面射水就算啦，點知屋宇署同佢哋講，話有冧樓危機，咁即刻派隊敢死隊上去，跟住嗰隊即刻出事。」

另外一條在Ｗhatsapp流傳的聲帶中，描述當局在再有消防員殉職前的部署。據該段錄音，消防處最初以防禦式救火，在外面射水灌救，直至今日屋宇署有通知，稱或有倒塌危機，處方遂轉守為攻，派員進入火場，結果再多三名消防員受傷送院，其中一名消防員許志傑其後殉職，另外兩名消防員現時清醒，但須留院治理。

多名消防員難抵高溫不適

「師弟，如果真係要入嘅話呢，一定要有Covering jet(掩護喉)，千其唔好離開枝Covering jet，現場呢，第一日有好多人一離開枝Covering jet呢，跟住就已經頂唔順，一出嚟就半路要除面罩，一熱跟住個人就迷咗。」

又有另一條錄音向同袍忠告，如要進入火場，千萬不能離開掩護喉。該人士續指火警發生首日，已有多名消防員因離開掩護喉，難抵現場高溫，離開火場後須立即脫下面罩，在高溫影響下感不適。

消防隊目許志傑殉職　同袍哀痛

「傑仔無咗喇，我而家喺聯合，又無咗個夥記喇......」

昨晚9時許，當時已有三名消防員分別受傷送院救治。其中37歲消防隊目許志傑陷入昏迷，送聯合醫院急症室搶救，至晚上9時10分證實離世。在一段Whatsapp錄音中，一名人士哀傷地表示自己在聯合醫院，哭道：「傑仔無咗喇」。

有消防員留醫深切治療部

「阿虎啱啱搓醒咗，上咗深切治療部，咁另一個走咗。」

昨晚9時許，有錄音指其中一名曾昏迷的消防員「阿虎」，經救護員作心肺復蘇法急救後清醒，轉送深切治療部，但另一位消防員則證實不治。

群組傳出　同袍殉職消息

「各位師兄弟，有個唔好嘅消息，頭先果個話醒返嗰個呢，我收到消息，去左喇果個師兄，觀塘架，係呀….」

錄音中，再多一條談到有消防員殉職，該人士指其中一個昏迷的消防員，一度回復清醒，但該人士收到消息，指那名消防員已離世。

殉職消防員家屬　傷心欲絕

「我而家係ICU呀，我入左去見咗佢喇，最後一面喇，佢老婆係度喊到死呀，我而家都係度呀......」

群組錄音中，其中一名疑為消防員的人士指自己正在ICU(深切治療部)，見一名殉職消防員的最後一面，估計是指消防隊目許志傑。期間他又指，死者太太亦在場，傷心欲絕，背後更有一小孩哭喊「爸爸！爸爸！」