【米芝蓮2019】獲「推介」仍照頂讓同鄉　東山再起遇租魔今結業

獲得米芝蓮推介，總令人聯想到「美味」，但是也會引來「租魔」。位於北角的迦南泰國小食，曾於2015年底列入「2016年米芝蓮推介小食」名單，惟得到殊榮前兩日，泰裔港人老闆姊妹口頭應承轉讓小店予同鄉，在得悉獲米芝蓮「加冕」後，為了「有口齒」，放棄眼前利益，沒有反口，繼續回鄉醫病，更擔心接手人因「米芝蓮」之名而被加租。
一年多後，兩姊妹返港後回北角重開新店，也用了舊店名，默默的做，惟最近被業主加租，未能承受，今日（29日）最後一日營業，坦言不捨之餘，考慮的只是將來如何在家煮好食物帶給街坊品嘗。
大廚家姐Nida雖大呼自己「蠢」，但妹妹Jit說：「只係家姐好鍾意煮畀大家食，所以無唔甘心，有啲嘢係你就係你。」

搬了舖　失去「米芝蓮推介」殊榮

位於北角和富道的迦南泰國小食，裝修簡單，店內貼上一張張餸菜推介照片，門面絕對不太光鮮，數名懂泰語的女士在店內工作，跟一般曾取得過米芝蓮推介小食的店舖，在場內當眼位必定貼出「米芝蓮推介」殊榮相比，平實得多。

泰籍老闆Jit指有熟客為她們向米芝蓮查詢過，得知調舖後不能領回推介證書，故此放棄，更說：「唔洗貼米芝蓮推介啦，其實我哋有95%都係以前啲客，無所謂！」

當年獲「米芝蓮推介」為Jit和Nida兩姊妹經營的原店，也在北角，但殊榮需跟食店地址，所以失去「米芝蓮推介」殊榮；不過接手的同鄉，也已改了另一接近的名字，店內當眼處未見有貼出「米芝蓮推介」。

「主耶穌話一就一、二就二」　不反口取消頂讓

2015年底，已轉到北角渣華道經營4年的迦南泰國小食，因大廚兼老闆Nida積勞有腳患，決心結業回家鄉休養，跟同鄉口頭商議好頂讓店舖，惟兩日後卻得到米芝蓮推介殊榮，始料不及。Nida說：「我唔知咩係米芝蓮，之後先知，我唔做嗰時先知道係乜。」二人經熟客解釋後才了解，明白可因此帶來更好生意，但仍決心將店出讓，「因為自己蠢，應承咗朋友，拎到米芝蓮可以反口，不過自己又做唔到，諗到主耶穌話一就一、二就二，咁就算啦，你做得到就你做啦！」兩姊妹跟朋友返回泰國色軍府（又名沙功那空府，Sakon Nakhon）鄉下休養。

老闆娘姊妹由外傭變港人　再創業開舖

Nida及Jit兩姊妹於90年代來港當女傭，其後分別在港結婚，及到快餐店工作，2008年起向朋友借錢開店至今，到北角之前，在其他地方開業。煮得一手泰菜的大家姐Nida坦言，居港多年感情深厚，「好鍾意香港人，熟客專登過嚟食嘢，食到一粒飯都無剩，好開心，我都有心機啲煮。」她坦言只要努力，留港會有所成就，跟她的鄉下有很大分別。

一年後，Nida「煮癮」大發，加上對香港念念不忘，回港後先到葵芳的工廠大廈開外賣食堂，但兩個月未能做到任何生意，決意返回北角「招呼」一眾舊街坊，望有更多人可吃到美味泰菜。Nida笑說：「見到人哋食都會好開心，我都係好鍾意煮餸。有時我整得多（指份量多），人哋都問我點解要煮咁多，我驚人哋唔飽，我就叫佢食唔晒，就打包返屋企。其實我賺少啲都唔怕，想啲客滿足，開開心心夠飽。」妹妹在旁笑，搖搖頭。

佢試過覺得味道差啲啲、無咁好，煮好都倒咗，好執着！

大廚對味道很執着

負責樓面的Jit的「無奈」，也不難理解，Nida為了烹調美味食物以供記者拍攝，竟因為有感大蝦不夠新鮮，即命令伙計去即時購買，得知落場時間不多，仍堅持減少吃飯時間準備。

Jit亦悄悄地說：「佢試過覺得味道差啲啲、無咁好，煮好都倒咗，好執着！」亦有熟客表示，就算數個客人同時選擇一樣的餸菜，Nida堅持逐碟餸菜分開烹調，望能保持品質。

全世界嚟講香港最好，只要勤力，你勤力就會有錢，有得食。

泰國人一向予人樂觀的態度，但過了今日，迦南泰國小食又再關閉，來港打併多年的二人先對望而笑，兩秒後也顯得有點失落。但開朗的姊姊Nida即時，「我仲要諗第日點樣拎香葉雞畀個客食，我拎去北角畀佢，仲有千層糕……」

二人說起對香港的感情，眼中流露真情，Nida說：「全世界嚟講香港最好，只要勤力，你勤力就會有錢，有得食。」不過，她倆豁達態度反而更令人值得學習，對於失落的米芝蓮，妹妹Jit總結說：「冇唔甘心，因為已經唔係我哋啦，調返轉頭，我哋仲要擔心佢哋（接手者），因為知道加租又貴，如果做唔到，好似我哋現在咁辛苦，佢哋賺到，我個心都安樂。」

《米芝蓮指南香港澳門2019》將會在下月11日在澳門新濠天地盛會廳舉行發布會，當日將由米芝蓮指南的代表揭曉米芝蓮指南2019內的獲獎餐廳。