「任何仁」上消防處FB報平安　回應被DQ傳聞：老細都唔知幾玩得

港台節目《視點31》昨日（6日）引述內部消息指，消防處高層疑不滿其吉祥物「任何仁」玩得太盡，擬以後不再使用真人版，一度惹起網民熱議。消防處今日下午在Facebook專頁闢謠「報平安」，指任何仁「冇內部消息」，更指「老細都唔知幾玩得」。

貼文可見，任何仁擺出飲茶姿勢，表示「呢排做到好攰，瞓到好晏，啱啱先起身，所以唔知發生乜事？」貼文下留有標籤，指「任何仁報平安」、「點解我冇內部消息嘅」、「老細都唔知幾玩得」，更指「呢幾日太忙想游個水鬆吓但太平洋都被抽乾點算」，似是答謝網民的關注。

《視點31》昨日引述「消防處內部消息」，指真人版任何仁將從此消失，以後只可以卡通人物形式出場，禁止真人再扮。其中原因是「有違正面英雄形象」、「意識唔係咁好」。

另一方面，受任何仁效應帶動，消防處fb專頁讚好數原本只有二千多，但自任何仁爆紅後，至今日（7日）下午已急增至1.6萬。