【鷹君爭產】指三及四子中秋未致電慰問　羅老太：梗係嬲啦　

鷹君集團創辦人羅鷹石遺孀羅杜莉君（羅老太）狀告滙豐國際信託一案，控辯雙方今(8日)就處理修訂入稟狀內容的爭議上庭。而羅老太和羅家六子羅啟瑞到高等法院旁聽。其中羅老太逗留約一小時後離開，她談及中秋節未有全家團聚，三子羅嘉瑞和四子羅康瑞甚至沒有致電問候她，她不滿謂：「呢啲絕種，唔好要啦﹗」羅啟瑞則補充，「老太無出聲，但知佢唔開心。」

羅老太：我無生呢幾個人

被問及今年生日會否叫家人食飯，羅老太反指：「我都無生呢幾個人。」羅啟瑞則透露，羅老太於11月舊曆生日前一天，打算到庭旁聽，為律師打氣。

對於羅啟瑞於上月稱，他在鷹君中心33樓的辦公室被擅闖，羅老太表明「梗係嬲啦...捉得到佢，劏咗佢！」羅老太強調，鷹君是「父母創業，落嚟就係仔女，個個都有份，點解可能清人走？」

案件編號：CAMP135、136、139、140/2018