侍產假「一日都嫌多」新手父母：老闆心態　最好返365日工

政府日前建議將男性侍產假由3日，增加到5日，代表飲食界老闆的行政會議成員張宇人稱，「侍產假一日都唔應該有。」言論一出，各方譁然。

有新手父母表示失望，「老闆心態係一日假期都唔想畀，最好返晒365日工」，認為一個家庭，父母要共同分擔，加上媽媽產後承受極大壓力，「生完頭幾日會好唔開心，老公喺身邊，心會舒服好多」。

政府日前刊憲建議修訂《僱傭條例》，將男士侍產假由3日增加至5日，條例草案在6月提交立法會，有關修訂仍有待立法會通過及定出生效日期。所有在生效日期或之後出生的嬰兒，嬰兒父親可依法享有5天侍產假。代表飲食界老闆的行政會議成員張宇人在接受傳媒訪問時直言，「侍產假一日都唔應該有」，認為僱員的要求會愈來愈多。男士侍產假這個議題再次掀起。

新手爸媽阿傑和Gigi迎接第二個屬於他們的小生命。阿傑已經向公司申請三天侍產假，亦打算多放幾天年假，照顧太太和嬰兒。「唔瞓覺囉，幫手執頭執尾」，他預計嬰兒出世後，他們一家人將會忙過不停。「三日好快過，通常BB好快起身，太太又要餵人奶」。

今次是阿傑和Gigi的第二胎，長子兩歲多。有了第一胎的經驗，兩夫妻更明白太太產後是很需要老公在身邊陪伴。Gigi稱，「啱啱生完，好唔開心，日日都做同一樣嘢，唔知想點，但老公喺度，同你傾偈、陪住你、幫你手，心會舒服啲，有安全感」。她笑言，「有時唔好意思叫媽咪、奶奶做嘢，但老公唔同，可以叫到盡」。阿傑在旁點頭以示同意，「以前就話男主外、女主內」，認為一個家庭，父母要一起分擔，「所以男士好需要侍產假」。

根據現行法例，男性連續合約僱員為同一名僱主工作不少於40周，即可享有3日有薪侍產假，僱員休假時每日薪金按其平均工資的4/5計算。阿傑稱，內地和部分國家都有七天，甚至是一個月的侍產假，「香港得三天，特別少，唔知係咪特別落後，定係香港人特別勞碌」。

對於張宇人稱侍產假一天都不應該有，阿傑稱很失望，「老闆心態係一日假期都唔想畀，最好返晒365日工」，「佢話佢以前無侍產假，你唔係講以前鑽木取火嘅事，社會係要進步嘅！」。