【2018中秋】綠在東區搞環保中秋夜　玩環保燈籠整素月餅　

中秋臨近，除了罷買罷玩螢光棒，還有什麽其他方法可以過一個環保中秋夜？由保良局營辦的「綠在東區」即將舉辦環保中秋花燈夜，到場的市民可以大玩環保旋轉燈籠，以及參與素食月餅工作坊，以另一方式歡度佳節。

「綠在東區」的助理環保教育主任梁小姐向《香港01》解釋:「其實過節都唔使吓吓買新嘢！我哋想推廣環保過節，所以有同事用舊鐵罐、舊遮柄之類物料整咗幾個旋轉燈籠，可以擺地下碌嚟碌去，應該幾受小朋友歡迎，唔一定要叫爹哋媽咪買新玩具。」不過，因爲金屬物料始終切口較鋒利，製作過程有少許危險，所以大會不設工作坊。

雖然大家無緣學整環保燈籠，但大會仍然準備了其他有趣的攤位，例如燈謎競猜活動和素食月餅工作坊，供市民大玩特玩 。梁小姐指：「其實食素比食肉環保好多，可減少碳排放，又健康啲。」屆時導師將會教市民用腰果、無花果和椰棗來做素月餅，工作坊設45個名額，有興趣的朋友可以到「綠在東區」的facebook專頁報名。

其實「綠在東區」已不是第1次舉辦環保中秋活動，以前每年舉辦同類活動，都大受歡迎，單是去年正日的中秋晚會，已經吸引到約500人參加，相信今年亦會有不少市民到場一同迎月。